ନୂଆଦିଲ୍ଲୀ : ସୁଜୁକି ନିଜ ନୂଆ ବାଇକ୍ ଭାରତରେ ଲଞ୍ଚ୍ କରିଦେଇଛି । ବାଇକର ନାଁ ସୁଜୁକି ଜିଏସଏକ୍ସ-୮ଆର୍ ଏବଂ ଏହାର ଦାମ୍ ୯.୨୫ ଲକ୍ଷ ଟଙ୍କା(ଏକ୍ସ-ଶୋରୁମ୍) । ବାଇକକୁ ଚଳିତବର୍ଷ ପ୍ରାରମ୍ଭରେ ଭାରତ ମୋବିଲିଟି ଏକ୍ସପୋରେ ପ୍ରଥମ ଥର ଦେଖିବାକୁ ମିଳିଥିଲା । ଏହି ବାଇକ ୩ ରଙ୍ଗର ବିକଳ୍ପ ସିଲଭର, ବ୍ଲାକ୍ ଓ ବ୍ଲୁ ସହ ଆସିବ । ଏହା ଟ୍ରାଏମ୍ପ ଡାଏଟୋନା ୬୬୦ ଏବଂ କାଓ୍ବାସାକି ନିଞ୍ଜା ୬୬୦ ସମେତ ଅନ୍ୟ ବାଇକକୁ ଟକ୍କର ଦେବ ।
ଜିଏସଏକ୍ସ-୮ଆରରେ ୭୭୬ ସିସିର ଲିକ୍ବିଡ୍ କୁଲ୍ଡ ଟ୍ବିନ୍ ଇଞ୍ଜିନ୍ ମିଳିବ ଯାହା ୭୮ ଏନଏମରେ ୮୧.୮ ଏଚପିର ପାଓ୍ବର ଉତ୍ପନ କରିଥାଏ । ଏହାର ପାଓ୍ବର ଆଉଟପୁଟ୍ ପ୍ରାୟ ଟାଟା ପଞ୍ଚ ସହ ସମାନ । ଏହି ଇଞ୍ଜିନକୁ ୬ ସ୍ପିଡ୍ ଗିୟରବକ୍ସ ସହ ଯୋଡାଯାଇଛି । ବାଇକରେ ୧୭ ଇଞ୍ଚର ଆଲୟହ୍ବିଲ ମିଳିବ । ରାଇଡିଂ ପାଇଁ ଏଥିରେ ୩ ମୋଡ୍ ମିଳିବ । ଏହା ସହ ଏକ ୫ ଇଞ୍ଚର କଲର ଟିଏଫଟି ଏଲସିଡି କନସୋଲ୍ ମଧ୍ୟ ମିଳିବ ।
