ସମ୍ବଲପୁର: ସମ୍ବଲପୁରର ଦଲେଇପଡା ଠାରେ ନିଃଶୁଳ୍କ କର୍କଟ ଚିକିତ୍ସା ଶିବିର ଆୟୋଜିତ ହୋଇଯାଇଛି। ମଙ୍ଗଳବାର ପୂର୍ବାହ୍ନରେ ବିଶାଖାପଟନମ ସ୍ଥିତ ମହାତ୍ମା ଗାନ୍ଧୀ କ୍ୟାନସର ହସ୍ପିଟାଲ ଆଣ୍ଡ ରିସର୍ଚ୍ଚ ସେନ୍ଟର ଓ ସମ୍ବଲପୁର ସାଥି ଚାରିଟେବଲ ଟ୍ରଷ୍ଟର ମିଳିତ ଆନୁକୂଲ୍ୟରେ ଏହି ଶିବିରର ଆୟୋଜନ କରାଯାଇଥିଲା। ସାଥୀ କାର୍ଯ୍ୟାଳୟ ପରିସରରେ ଆୟୋଜିତ ଶିବିରରେ ସହର ତଥା ଆଖାପାଖ ଅଞ୍ଚଳର ୨୦ରୁ ଅଧିକ କକର୍ଟ ରୋଗୀଙ୍କ ଚିକିତ୍ସା କରାଯାଇଥିଲା। ରେଡିଏସନ ଓନୋକୋଲୋଜିଷ୍ଟ ଡା. ଚିତ୍ତରଞ୍ଜନ କୁଣ୍ଡୁ ଏହି ଶିବିରରେ ଉପସ୍ଥିତ ରହି ରୋଗୀ ମାନଙ୍କର ଚିକିତ୍ସା କରାଇଥିଲେ। ଆର୍ଥିକ ରୂପେ ଦୁର୍ବଳ କିଛି ରୋଗୀଙ୍କୁ ସାଥୀ ଚାରିଟେବଲ ଟ୍ରଷ୍ଟ ପକ୍ଷରୁ ଆର୍ଥିକ ସହାୟତା ପ୍ରଦାନ କରାଯାଇଥିଲା। ଟ୍ରଷ୍ଟର ସଭାପତି ଶତ୍ରୁଘ୍ନ ଲାଲ ସାହା ଏହି ସହାୟତା ରାଶି ରୋଗୀ ମାନଙ୍କୁ ପ୍ରଦାନ କରିଥିଲେ। ଆଗାମୀ ଦିନରେ ସାଥି ଚାରିଟେବଲ ଟ୍ରଷ୍ଟ ଓ ମହାତ୍ମା ଗାନ୍ଧୀ କ୍ୟାନସର ହସ୍ପିଟାଲର ମିଳିତ ସହଯୋଗରେ କର୍କଟ ରୋଗର ବିନାଶ ପାଇଁ ଆହୁରୀ ଶିବିର ଆୟୋଜିତ କରାଯିବ ବୋଲି ସଭାପତି ଶ୍ରୀ ସାହା କହିଛନ୍ତି। ଚିକିତ୍ସା ଶିବିରକୁ ସରୋଜ ମହାପାତ୍ର, ଭଗତ ସିଂ ଓ ଅନ୍ୟ ସଦସ୍ୟ ମାନେ ପରିଚାଳାନରେ ସହଯୋଗ କରିଥିଲେ।
Comments are closed.