ସୋର : ରାଜ୍ୟରେ ନୂତନ କରି ଭାରତୀୟ ଜନତା ପାର୍ଟି ସରକାର ଗଠନ ପରେ ସୁଭଦ୍ରା ଯୋଜନା ମାଧ୍ୟମରେ ନାରୀ ସଶକ୍ତିକରଣ ପାଇଁ ଉଦ୍ୟମ ଆରମ୍ଭ କରିଥିବା ବେଳେ ଏହି ଯୋଜନାରେ ଆଧାର ସଂଶୋଧନ ଏକ ଗୁରୁତ୍ବପୁର୍ଣ ଭୂମିକା ଗ୍ରହଣ କରିଛି। ତେଣୁ ସୋର ସହରରେ ବିଭିନ୍ନ ଜନସେବା କେନ୍ଦ୍ର ଓ ଡାକଘର ଆଗରେ ଲମ୍ବା ଲାଇନ୍ ଦେଖିବାକୁ ମିଳିଛି। କିଏ ମୋବାଇଲ ନମ୍ବର ଲିଙ୍କ ତ ପୁଣି ଆଉ କିଏ ବାଇଓ ମେଟ୍ରିକ୍ ।
ଏହି ବାବଦରେ ମଧ୍ୟ ଜନସେବା କେନ୍ଦ୍ରର ମାଲିକମାନେ ମାଲାମାଲ ହେଉଛନ୍ତି ବୋଲି କିଛି ଗ୍ରାହକ ଅଭିଯୋଗ କରିଛନ୍ତି। ବୋଝ ଉପରେ ନଳିତା ବିଡା ପରି ଲୋକମାନେ ଭୋକ ଉପାସରେ ପଡ଼ି ରାତିରୁ ଲମ୍ବା ଲାଇନରେ ଅପେକ୍ଷା କରି ମଧ୍ୟ ଆଧାର ସାଇଟ୍ ଅସୁବିଧାରେ ସମ୍ମୁଖୀନ ହେଇ ସନ୍ଧ୍ୟାରେ ନିରାଶ ହୋଇ ଘରକୁ ଫେରି ଆସୁଥିବା ଦେଖିବାକୁ ମିଳିଛି। ପୁଣି ଦଳାଚକଟା ପରିସ୍ଥିତି ଦେଖାଦେଇଥିଲା ।
