ଗୁଣୁପୁର: ରାୟଗଡା ଜିଲା ଗୁଣପୁର ବୃନ୍ଦାବତୀ ନଗର ଅଞ୍ଚଳରେ ଆଜି ଏକ ଅଭାବନୀୟ ଘଟଣା ଦେଖିବାକୁ ମିଳିଥିଲା । ମୁକ୍ତା ଯୋଜନାରେ ପୌର ପରିଷଦ ପକ୍ଷରୁ ଏଠାରେ ପୋଖରୀ ଖନନ କରାଯାଇଥିଲା। ଉପଯୁକ୍ତ ଯୋଜନା ଅଭାବ ଓ ବୈଷୟିକ ତୃଟି ଯୋଗୁ ପୋଖରୀଟି ବିପଦ ପୂର୍ଣ୍ଣ ଭାବେ ରହିଥିଲା। ବର୍ତ୍ତମାନ ବର୍ଷା ଲାଗି ରହିଥିବା ଯୋଗୁଁ ପୋଖରୀ ରେ ପାଣି ଭର୍ତ୍ତି ହୋଇ ଯାଇଥିଲା। ପ୍ରାୟ ୧୫ଟି ମଇଁଷି ପାଣି ପିଇବା ପାଇଁ ପୋଖରୀ ଭିତରେ ପଶି ଯାଇଥିଲେ ।
ପ୍ରାୟ ୮ ଘଣ୍ଟା ଧରି ପୋଖରୀରୁ ଉଠି ନ ପାରି ଫସି ରହିଥଲେ । ପରେ ଅଗ୍ନିଶମ ବିଭାଗକୁ ଖବର ଦିଆଯାଇଥିଲା । ଅଗ୍ନିଶମ ବିଭାଗର କର୍ମକର୍ତ୍ତା ମାନେ ଆସି ମଇଁଷି ମାନଙ୍କୁ ସୁରକ୍ଷିତ ଭାବେ ଉଦ୍ଧାର କରିଥିଲେ । ତେବେ ପୌର ପରିଷଦ ଖାମ ଖିଆଲ ନ ହୋଇ ଉପଯୁକ୍ତ ଯୋଜନା କରି କାର୍ଯ୍ୟ କରିବାକୁ ଦାବୀ ହେଉଛି । ଏଭଳି ତୃଟି ପୂର୍ଣ୍ଣ କାର୍ଯ୍ୟର ଭିଜିଲାନ୍ସ ବିଭାଗ ତଦନ୍ତ କଲେ ବଡଧରଣର ଜାଲିଆତି ପଦାକୁ ଆସିବ ବୋଲି ସାଧାରଣରେ ମତ ପ୍ରକାଶ ପାଇଛି।
Comments are closed.