ନୂଆଦିଲ୍ଲୀ : ଷ୍ଟିଲବର୍ଡ SBA 8 BT ଏକ ଫ୍ଲିପ-ଅପ୍ ହେଲମେଟ୍ ଯାହା ଭାରତୀୟ ବଜାରରେ ଲୋକପ୍ରିୟ ହୋଇପାରିଛି । ଏହାକୁ ହାଇଟେକ୍ ହେଲମେଟ୍ ମଧ୍ୟ କୁହାଯାଏ କାରଣ ଏଥିରେ ଅନେକ ଫିଚର ଦିଆଯାଇଛି ଯାହା କେବଳ ଟ୍ରେଣ୍ଡି ନୁହେଁ ବରଂ ଆପଣଙ୍କୁ ସୁରକ୍ଷିତ ରଖିବାରେ ମଧ୍ୟ ସାହାଯ୍ୟ କରିଥାଏ । ଏହାର ଦାମ୍ ୩,୯୯୯ ଟଙ୍କା ।
ଏହି ହେଲମେଟ୍ ଭାରତୀୟ ମାନକ ସଂସ୍ଥାନ ଦ୍ବାରା ପ୍ରମାଣିତ ଯାହା ସୁରକ୍ଷା ମାନକ ପୁରା କରୁଥିବା ଦର୍ଶାଉଛି । ଏହା ଉଚ୍ଚ ପ୍ରଭାବ ପ୍ରତିରୋଧୀ ଏବିଏସ୍ ସେଲରେ ପ୍ରସ୍ତୁତ ହୋଇଛି ଯାହା ମୁଣ୍ଡକୁ ଆଘାତରୁ ରକ୍ଷା କରିଥାଏ । ଏଥିରେ ମଲ୍ଟି ଡେନସିଟି ଇପିଏସ୍ ଲାଇନିଂ ରହିଛି ଯାହା ଧକ୍କାର ପ୍ରଭାବକୁ ଅବଶୋଷିତ କରିବାରେ ସାହାଯ୍ୟ କରିଥାଏ ।
ଏଥିରେ ବ୍ଲୁଟୁଥ୍ କନେକ୍ଟିଭିଟି ରହିଛି । ଏହା ଆପଣଙ୍କୁ ନିଜ ଫୋନରେ ଗୀତ ଶୁଣିବାରେ ବା ଫୋନ୍ କଲ୍ ରିସିଭ୍ କରିବାରେ ସାହାଯ୍ୟ କରିବ । ଏଥିରେ ଭିତର ପଟେ ମଧ୍ୟ ଏକ ଭାଇଜର ରହିଛି ଯାହା ସୂର୍ଯ୍ୟ କିରଣରୁ ଆପଣଙ୍କୁ ରକ୍ଷା କରିବ । ଏହା ଫ୍ଲିପ୍ ହୋଇପାରୁଥିବାରୁ ଏହାକୁ ସହଜରେ ପିନ୍ଧି ହୁଏ ଏବଂ କାଢି ମଧ୍ୟ ହୁଏ । ଗ୍ରାହକ ଏହାକୁ ଇ-ବାଣିଜ୍ୟିକ ପ୍ଲାଟଫର୍ମରୁ ମଗାଇବା ସହିତ ବଜାରକୁ ଯାଇ ମଧ୍ୟ କିଣିପାରିବେ ।
ବୈଜ୍ଞାନିକମାନେ ଚାଷୀଙ୍କ ସହ ସିଧାସଳଖ ସଂସ୍ପର୍ଶରେ ଆସିବା ଜରୁରୀ: କୃଷିମନ୍ତ୍ରୀ
