ଜି.ଉଦୟଗିରି : ଦୀର୍ଘ ୪୪ ଦିନ ପରେ ୨୫ଟିକିଆ ହାତୀପଲ ଏବେ ଜି ଉଦୟଗିରି ବନାଞ୍ଚଳ ଛାଡି ଦରପଙ୍ଗିଆ ସଂରକ୍ଷିତ ଜଙ୍ଗଲକୁ ଚାଲିଯାଇଥିବା ଜଣାପଡିଛି। ମିଳିଥିବା ସୂଚନାରୁ ଜଣାପଡିଛି ଯେ, ୨୫ଟିକିଆ ହାତୀପଲରୁ ୨୪ଟି ହାତୀ ପଳାଇ ଥିବାବେଳେ ଗୋଟିଏ ଦନ୍ତା ବାଟବଣା ହୋଇ ରହିଯାଇଥିଲା। ଶନିବାର ଭୋରରେ ଜି ଉଦୟଗିରି ବନ୍ୟାଞ୍ଚଳ ର ସମସ୍ତ ବନପାଳ, ବନରକ୍ଷୀ ଓ ଗ୍ରାମବାସୀ ଙ୍କ ସହଯୋଗରେ ହାତୀଟିକୁ ଦରପଙ୍ଗିଆ ସଂରକ୍ଷିତ ଜଙ୍ଗଲରେ ଛଡାଯାଇଛି। ୨୫ ଟିକିଆ ହାତୀପଲ ରୁ ଗୋଟିଏ ଦନ୍ତା ବାଟ ବଣା ହୋଇ ରହିଯାଇଥିବାରୁ ନିଜ ଦଳକୁ ନପାଇ ଉପଦ୍ରବ କରିବା ସହ କିଛି ଘର ଭାଙ୍ଗି ଦେଇଥିବାବେଳେ ଗ୍ରାମବାସୀ ଭୟଭୀତ ଅବସ୍ଥାରେ ରହିଥିଲେ। ବର୍ତମାନ ଦନ୍ତା ଫେରିଯିବା ଫଳରେ ଅଞ୍ଚଳବାସୀମାନେ ଟିକିଏ ଆଶ୍ୱସ୍ତି ଅନୁଭବ କରିଛନ୍ତି। ଗତ ବର୍ଷ ମଧ୍ୟ ୧୮ ତିକିଆ ହାତୀପଲ ଦୀର୍ଘ ୧୨-୧୫ ଦିନ ଧରି ଉପଦ୍ରବ କରିଥିଲେ।
Comments are closed.