ଧାମରା: ଧାମରା ଥାନା ନିକଟସ୍ଥ ଦୋସିଙ୍ଗା ବଜାର ଠାରେ ଜଣେ ସୁନା ଦୋକାନୀ ଠାରୁ ସୁନା ନେବା ବାହାନାରେ ଆସି ଦୋକାନରେ ଥିବା ଅଳଙ୍କାର ଲୁଟି ନେଇଥିବା ନେଇ ଥାନାରେ ଅଭିଯୋଗ ହୋଇଛି। ଧାମରା ଥାନାଧିକାରୀ ଶୋଭନ କୁମାର ସ୍ୱାଇଁଙ୍କ ଅଭିଯୋଗ ଅନୁଯାୟୀ ଦୋସିଙ୍ଗା ପଂଚାୟତରେ ରୀନା କାମିଳା ନାମକ ଜୈନିକା ମହିଳା ବାବା ଲୋକନାଥ ନାମକ ଏକ ସୁନା ଦୋକାନ କାମ କରୁଥିଲେ । ଗତକାଲି ରାତ୍ରି ୧୦ଟା ସମୟରେ ୨ଜଣ ଯୁବକ ଆସି ଗୋଟିଏ ବ୍ରେସଲେଟ ନେବେ ବୋଲି କହିବା ସହ କଣ କଣ ଡିଜାଇନ ଅଛି ଦେଖାଇବାକୁ କହିଥିଲେ ।
ଏହି ସମୟରେ ସଂପୃକ୍ତ ମହିଳା ଜଣକ ବିଭିନ୍ନ ଡିଜାଇନର ବ୍ରେସଲେଟ ଦେଖାଉଥିବା ବେଳେ ଆସିଥିବା ଯୁବକମାନେ ଜୋର ଜବରଦସ୍ତ ଦୋକାନର ସର୍ଟର ପକାଇ ମହିଳାଙ୍କ ପାଟି ବନ୍ଦ କରି ସମସ୍ତ ଅଲଙ୍କାରମାନ ଲୁଟ କରି ନେଇଥିଲେ ।
ଦୋକାନରେ ସିସି ଟିଭି ଲାଗିଥିବା ଦେଖି ଉକ୍ତ ୨ଯୁବକ ସଂପୃକ୍ତ ସିସିଟିଭିର ହାର୍ଡଡିସ୍କ ମଧ୍ୟ ନେବାକୁ ଭୁଲି ନଥିଲେ । ପରେ ଦୋକାନର ସର୍ଟର ଖୋଲି ସେମାନେ ପଳାଇବା ପରେ ସଂପୃକ୍ତ ମହିଳା ପାଟି କରି ସ୍ଥାନୀୟ ଲୋକଙ୍କୁ ଖବର ଦେବା ସହ ଧାମରା ଥାନାରେ ଲିଖିତ ଅଭିଯୋଗ କରିଛନ୍ତି ଏବଂ ଦୋକନରୁ ୩ଶହ ଗ୍ରାମରୁ ଅଧିକ ସୁନା ଅଳଙ୍କାର ଲୁଟି ନେଇଥିବା ଅଭିଯୋଗ ହୋଇଛି। ଧାମରା ଥାନାଧିକାରୀ ଏହି ଘଟଣାର ତଦନ୍ତ ଚଳାଇଛନ୍ତି ।
