ଗୋପାଳପୁର : ଗୋପାଳପୁର ଥାନା ଅନ୍ତର୍ଗତ ଡୁରା ଓଭରବ୍ରିଜ଼ ନିକଟରେ ଥିବା ନେକ୍ସସା ଶୋରୁମ ନିକଟରେ ମର୍ମନ୍ତୁଦ ସଡ଼କ ଦୁର୍ଘଟଣା ଘଟି ଦୁଇ ଜଣଙ୍କ ମୃତ୍ୟୁ ଘଟିଥିବାବେଳେ ଅନ୍ୟ ଜଣେ ଗୁରୁତର ଆହତ ହୋଇଥିବା ଜଣାପଡିଛି । ମୃତକମାନେ ହେଲେ ଛତ୍ରପୁର ଥାନା ଅଞ୍ଚଳ ପୁଣି ଗୋପାଳପୁରର ରାଜୁ ପ୍ରଧାନ ଓ ଏ .ଲୋକେଶ ରେଡ଼ି । ଗୁରୁତର ଜଣକ ଶମ୍ଭୁ ବୋଲି ଜଣାପଡିଛି।
ଆଜି ଅପରାହ୍ନ ପ୍ରାୟ ୩ଟା ବେଳେ ହୁମା ବେଲପଡାରୁ କୌଣସି କାମରେ ବ୍ରହ୍ମପୁର ଯାଉଥିବାବେଳେ ଡୁରା ଓଭରବ୍ରିଜ ଜାତୀୟ ରାଜପଥ ସ୍ଥିତ ନେକ୍ସସା ଶୋ ରୁମ୍ ନିକଟରେ ଆନ୍ଧ୍ରପ୍ରଦେଶ ପଟକୁ ଯାଉଥିବା ଏକ ଟ୍ରକ ସହ କାର ଧକ୍କା ହୋଇଥିଲା । ଘଟଣାସ୍ଥଳରେ ଲୋକେଶ ଓ ରାଜୁର ମୃତ୍ୟ ଘଟିଥିବାବେଳେ ଶମ୍ଭୁ ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି ହୋଇଛନ୍ତି । ଅନ୍ୟପଟେ ଟ୍ରକକୁ ଛାଡି ଡ୍ରାଇଭର ଚମ୍ପଟ ମାରିଛି । ଗୋପାଳପୁର ପୁଲିସ ଟ୍ରକକୁ ଜବତ କରିବା ସହ ତଦନ୍ତ କରୁଛି ।
