ବୌଦ୍ଧ/ଜହ୍ନାପଙ୍କ: ବୌଦ୍ଧ ଜିଲ୍ଲା ବଢ଼ିଗାଁ ଗ୍ରାମ ପଞ୍ଚାୟତର ଛତନିଆଁକଟା ଠାରୁ ବନ୍ଧାପଥରକୁ ଯାଇଥିବା ଅତି ଶୋଚନୀୟ ହୋଇପଡ଼ିଛି। ଫଳରେ ଏହି ରାସ୍ତାଦେଇ ଚଳ ପ୍ରଚଳ କରୁଥିବା ଗ୍ରାମବାସୀ ନାହିଁ ନ ଥିବା ଅସୁବିଧାର ସମ୍ମୁଖୀନ ହେଉଛନ୍ତି। ଏହି ଖବର ସମାଜରେ ପ୍ରକାଶ ପାଇବା ପରେ ସାଧାରଣରେ ତିବ୍ର ପ୍ରତିକ୍ରିୟା ପ୍ରକାଶ ପାଇବା ସହିତ ତୁରନ୍ତ ରାସ୍ତା ମରାମତି କରିବା ଦାବିରେ ବୁଧବାର ସକାଳେ ଗ୍ରାମବାସୀମାନେ ଏକତ୍ରିତ ହୋଇ ବୌଦ୍ଧ- ବଘିଆପଡ଼ା ରାସ୍ତାରେ ଛତିନିଆକଟା ଠାରେ ରାସ୍ତା ଅବରୋଧ କରିଥିଲେ। ଫଳରେ ଉଭୟ ପାର୍ଶ୍ବରେ ବହୁ ଯାନବାହନ ଅଟକି ରହିଥିଲା। ରାସ୍ତା ଅବରୋଧ ଖବର ପାଇ ବୌଦ୍ଧ ଥାନା ଅଧିକାରୀ ରଂଜିତ କୁମାର ମୁନୀ ଓ ବୌଦ୍ଧ ତହସିଲଦାର ଘଟଣାସ୍ଥଳରେ ପହଂଚି ଆନ୍ଦୋଳନକାରୀଙ୍କୁ ବୁଝାସୁଝା କରିବା ପରେ ରାସ୍ତା ରୋକ ହଟିଥିଲା। ସୂଚନା ମତେ, ବୌଦ୍ଧ ବଘିଆପଡ଼ା ପୁର୍ତ୍ତ ବିଭାଗ ରାସ୍ତାରୁ ଛତନିଆଁକଟା ଗ୍ରାମ ଦେଇ ବନ୍ଧାପଥର ପଞ୍ଚାୟତକୁ ଯାଇଥିବା ରାସ୍ତାର ପ୍ରାୟ ଦୁଇକିଲୋମିଟର ରାସ୍ତା ଦୀର୍ଘଦିନ ହେଲା ନିର୍ମାଣ ନହୋଇ ପଡ଼ିରହିଛି। ପ୍ରତ୍ୟହ ଏହି ରାସ୍ତାଦେଇ ହଜାର ହଜାର ଲୋକ ଯିବାଆସିବା କରୁଥିଲେ ମଧ୍ୟ ରାଜନୈତିକ ଉଦ୍ଦେଶ୍ୟ ରଖି ଉକ୍ତ ରାସ୍ତାର ନିର୍ମାଣ କାର୍ଯ୍ୟ ଆଜି ପର୍ଯ୍ୟନ୍ତ ହୋଇପାରିନାହିଁ। ପ୍ରାୟ ୩ ଶହ ମିଟର ରାସ୍ତା ମଧ୍ୟରୁ ଅଧା କଂକ୍ରିଟ ହୋଇଥିଲେବି ବର୍ତମାନ ତହା ମଧ୍ୟ ନଷ୍ଟ ହୋଇସାରିଲାଣି।
Popular Categories
Previous article
Next article