ବାସୁଦେବପୁର : ଡିଜେ ବନ୍ଦ କରିବାକୁ ନେଇ ଗୋଷ୍ଠୀ ସଂଘର୍ଷରେ ତିନି ଜଣ ଆହତ ହୋଇଥିବା ସହିତ ଘର ଭାଙ୍ଗିବାକୁ ନେଇ ଥାନାରେ ଅଭିଯୋଗ ହୋଇଛି। ଏମିତି ଘଟଣା ବାସୁଦେବପୁର ଥାନା ଅଧିନ ଖରିଦାବିନାୟକପୁର ଗ୍ରାମର ଡାଙ୍ଗିମଳିକ ସାହି ଓ ବଡମଳିକ ସାହିରେ ବୁଧବାର ସପ୍ତା ଠାକୁର ଭସାଣି ଉତ୍ସବ ସନ୍ଧ୍ୟା ସମୟରେ ହୋଇଥିଲା। ଏହି ଅବସରରେ ଦୁଇ ସାହିରେ ଥିବା ଅନୁଷ୍ଠାନ ପକ୍ଷରୁ ଡିଜେ ବଜାଇବାକୁ ନେଇ ପ୍ରତିଯୋଗୀତା ଚାଲିଥିବା ବେଳେ ବଡମଳିକସାହି ପକ୍ଷରୁ ଡିଜେ ବନ୍ଦ କରି ଦେବା କାରଣରୁ ଗଣ୍ଡଗୋଳର ସୁତ୍ରପାତ ଘଟିଥିଲା। ଏହି ଘଟଣାରେ କାଳନ୍ଦି ମଳିକଙ୍କ ପରିବାରର ତିନି ଜଣ ଆହତ ହୋଇଥିବା ଜଣାପଡିଛି। ଗୋଷ୍ଠୀ ସଂଘର୍ଷରେ ବଡମଳିକ ସାହିର ମନୋଜ ମଳିକଙ୍କ ଘର ଭାଙ୍ଗି ଦେଇଥିବାକୁ ନେଇ ଥାନାରେ ଅଭିଯୋଗ ହୋଇଛି। ତେବେ ଉଭୟ ପକ୍ଷରୁ ଥାନାରେ ଲିଖିତ ଅଭିଯୋଗ ଆସିବା ପରେ ପୁଲିସ ଘଟଣାର ତଦନ୍ତ କରୁଛି।
Popular Categories
Previous article
Next article