ବେଙ୍ଗାଲୁରୁ: କର୍ନାଟକରେ ଦକ୍ଷିଣ-ପଶ୍ଚିମ ମୌସୁମୀ ବାୟୁ ପହଞ୍ଚିବା ପରେ ସେଠାରେ ବର୍ଷା ଆରମ୍ଭ ହୋଇଛି। ତେବେ ବେଙ୍ଗାଲୁରୁରେ ପ୍ରବଳ ବର୍ଷା ହୋଇଛି। ୧୩୩ ବର୍ଷର ରେକର୍ଡ ଭାଙ୍ଗିଛି ଏହି ବର୍ଷା।
ରାଜ୍ୟର ଉପକୂଳ ଅଞ୍ଚଳଗୁଡ଼ିକରେ ବର୍ଷା ଲାଗି ରହିଛି। ଆସନ୍ତା ୫ ତାରିଖ ଯାଏ ବର୍ଷା ଲାଗି ରହିବ ବୋଲି ଭାରତୀୟ ପାଣିପାଗ ବିଭାଗ ପୂର୍ବାନୁମାନ କରିଛି। ତେବେ ରବିବାର ବେଙ୍ଗାଲୁରୁରେ ଗୋଟିଏ ଦିନରେ ସର୍ବାଧିକ ପରିମାଣ ବର୍ଷା ହୋଇଛି। ଜୁନ ମାସରେ ଏଠାରେ ହାରାହାରି ୧୧୦.୩ ମିଲିମିଟର ବର୍ଷା ହେଉଥିବାବେଳେ ଗତ ୨ ଦିନ ମଧ୍ୟରେ ୧୪୦.୭ ମିମି ବର୍ଷା ରେକର୍ଡ କରାଯାଇଛି। ବର୍ଷାକୁ ଦୃଷ୍ଟିରେ ରଖି ପାଣିପାଗ ବିଭାଗ ସହରରେ ହଳଦିଆ ସତର୍କତା ଜାରି କରିଛି।
Rainfall stats for BENGALURU city via @metcentre_bng & @KarnatakaSNDMC ending at 11:30 PM #BengaluruRains #BangaloreRains
City IMD: 111mm
HAL IMD: 47mmCity IMD breaks the 133 year old record of the highest ever rainfall in a single day in June & crossed the June month average… https://t.co/LJHYeOXgyV pic.twitter.com/k6FRAQFEdX
— Karnataka Weather (@Bnglrweatherman) June 2, 2024
ରବିବାର ବର୍ଷା ଯୋଗୁ ସହରର ଅନେକ ସ୍ଥାନ ଜଳାର୍ଣ୍ଣବ ହୋଇପଡ଼ିଥିଲା। ଏହା ଫଳରେ ମେଟ୍ରୋ ଟ୍ରେନ ଚଳାଚଳ ସେବା ବାଧାପ୍ରାପ୍ତ ହୋଇଥିଲା। ସହରରେ ଟ୍ରାଫିକ ସମସ୍ୟା ମଧ୍୍ର ଉପୁଜିଥିଲା। ଗତବର୍ଷ ତୁଳନାରେ ଚଳିତବର୍ଷ ରାଜ୍ୟରେ ମୌସୁମୀ ବାୟୁ ଶୀଘ୍ର ପ୍ରବେଶ କରିଛି। ଗତବର୍ଷ ବିଳମ୍ବିତ ମୌସୁମୀ ଯୋଗୁ ବର୍ଷା ଅଭାବରୁ ରାଜ୍ୟର ୨୩୬ ତାଲୁକ ମଧ୍ୟରୁ ୨୨୦ ତାଲୁକରେ ମରୁଡ଼ି ପରିସ୍ଥିତି ଘୋଷଣା କରାଯାଇଥିଲା।
Comments are closed.