ଆଠଗଡ଼: ଆଠଗଡ଼ ସହରର କନ୍ତୋଲଠାରେ ମଙ୍ଗଳବାର ଅପରାହ୍ନରେ ପ୍ରଚାର କରୁଥିବାବେଳେ ଉଭୟ ବିଜେଡି ଓ ବିଜେପି କର୍ମୀମାନେ ମୁହାଁମୁହିଁ ହେବା ଫଳରେ ସେଠାରେ ପ୍ରବଳ ଉତ୍ତେଜନା ପ୍ରକାଶ ପାଇଥିଲା। କନ୍ତୋଲ କଇଁଆ ଛକ ନିକଟରେ ବିଜେପି ପ୍ରଚାର ଗାଡି ଓ ଶୋଭାଯାତ୍ରା ଆସୁଥିବାବେଳେ ବିପରୀତ ଦିଗରୁ ବିଜେଡି କର୍ମୀମାନେ ଶୋଭାଯାତ୍ରାରେ ଆସିବା ସମୟରେ ପରସ୍ପର ମୁହାଁମୁହିଁ ଓ ଠେଲାପେଲା ହୋଇଥିଲା। ସେଠାରେ ଉପସ୍ଥିତ ଥିବା ପୁଲିସ ତୁରନ୍ତ ପଦକ୍ଷେପ ନେଇ ଘଟଣା ଅଧିକ ଘଟିବା ପୂର୍ବରୁ ଉଭୟ ପକ୍ଷର କର୍ମୀଙ୍କୁ ନିୟନ୍ତ୍ରଣ କରିଦେଇଥିଲେ। ତେବେ କନ୍ତୋଲ ସମେତ ଅନ୍ୟାନ୍ୟ କେତେକ ଅଞ୍ଚଳରେ ଅନୁରୂପ ଭାବେ ଉତ୍ତେଜନାମୂଳକ ପରିସ୍ଥିତି ସୃଷ୍ଟି ହେଉଥିବାରୁ ପୁଲିସ ତୀକ୍ଷ୍ମ ନଜର ରଖିଛି ବୋଲି ଆଇଆଇସି ଅନିରୁଦ୍ଧ ମୁଦୁଲି ପ୍ରକାଶ କରିଛନ୍ତି।
Popular Categories
Previous article
Next article