କଟକ : କଟକ ସହରର ସମସ୍ତ ବିଦ୍ୟାଳୟରେ ପିଲାମାନଙ୍କୁ ମଧ୍ୟାହ୍ନ ଭୋଜନରେ ପୁଣିି ଅଣ୍ଡା ବିତରଣ କରାଯାଇଛି। ଶନିବାରଠାରୁ ଏହା ପୁଣି ଆରମ୍ଭ ହୋଇଛି। କଟକ ସଦର ମଣ୍ଡଳ ଶିିକ୍ଷା ଅଧିକାରୀ ଡ଼କ୍ଟର ସନ୍ତୋଷ କୁମାର ରାଉତଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଶନିବାର ମଧ୍ୟାହ୍ନ ଭୋଜନରେ ପିଲାମାନଙ୍କୁ ସିଝା ଅଣ୍ଡା ଖାଇବାକୁ ଦିଆଯାଇଛି। ଏଣିିକି ପ୍ରତି ସପ୍ତାହରେ ୨ ଦିନ ଗୋଟିଏ ଲେଖାଁଏ ସିଝା ଅଣ୍ଡା ମଧ୍ୟାହ୍ନ ଭୋଜନରେ ପିଲାମାନଙ୍କୁ ଖାଇବାକୁ ଦିଆଯିବ।
ସୂଚନାଯୋଗ୍ୟ ଯୋଗ୍ୟ ଯେ, ଅକ୍ଷୟ ପାତ୍ର ଫାଉଣ୍ଡେସନ ପକ୍ଷରୁ ସହରର ବିଦ୍ୟାଳୟମାନଙ୍କରେ ପିଲାମାନଙ୍କୁ ରନ୍ଧା ଖାଦ୍ୟ ବିତରଣ କରାଯିବା ପରେ ଅଣ୍ଡା ଯୋଗାଣ ବନ୍ଦ ରହିଥିଲା। ଏବେ କିନ୍ତୁ ସରକାରଙ୍କ ପକ୍ଷରୁ ନିଷ୍ପତ୍ତି ନିଆଯାଇ ପିଲାମାନଙ୍କୁ ମଧ୍ୟାହ୍ନ ଭୋଜନରେ ସିଝା ଅଣ୍ଡା ଯୋଗାଇ ଦିଆଯିବ।ଅକ୍ଷୟ ପାତ୍ର ଫାଉଣ୍ଡେସନ ପକ୍ଷରୁ ଯୋଗାଇ ଦିଆଯାଉଥିବା ପୁଷ୍ଟିକର ଖାଦ୍ୟ ସହିତ ମଧ୍ୟାହ୍ନ ଭୋଜନରେ ଏହି ସିଝା ଅଣ୍ଡା ଖାଇବାକୁ ଦିଆଯିବ। ଯାହାକୁ ନେଇ ଛାତ୍ରଛାତ୍ରୀଙ୍କ ମଧ୍ୟରେ ବେଶ ଆନନ୍ଦ ପ୍ରକାଶ ପାଇଛି।
