ନୂଆଦିଲ୍ଲୀ : ସାମସଙ୍ଗ ନିଜର ଆଉ ଏକ ନୂଆ ସ୍ମାର୍ଟଫୋନ୍ ବଜାରକୁ ନେଇଆସିଛି । ଏହି ମଡେଲ ହେଉଛି ସାମସଙ୍ଗ ଗାଲାକ୍ସି ଏମ୫୫ । ଏହି ନୂଆ ଫୋନ୍ ଆମୋଲେଡ୍ ଡିସପ୍ଲେ ଏବଂ କ୍ବାଲକମ୍ ପ୍ରୋସେସର ସହିତ ଆସିଥାଏ । ଏଥିରେ ୫୦ ମେଗାପିକ୍ସେଲର ମେନ୍ କ୍ୟାମେରା ଏବଂ ୫ ହଜାର ଏମଏଏଚର ଦମଦାର ବ୍ୟାଟେରୀ ମଧ୍ୟ ଦିଆଯାଇଛି । ଏହାର ଦାମ୍ ମଧ୍ୟ କମ୍ ରଖିଛି କମ୍ପାନୀ । ଆସନ୍ତୁ ଜାଣିବା ଏହାର ଦାମ୍ ଏବଂ ଫିଚର୍ସ…
4G ନେଟଓ୍ବର୍କକୁ ଚଳାଇବା ପାଇଁ ନୋକିଆ ଏବଂ ଚୀନଠୁ ସାହାଯ୍ୟ ନେଉଛି ବିଏସଏନଏଲ୍
ଏହାର ୮ ଜିବି ଏବଂ ୧୨୮ ଜିବି ଷ୍ଟୋରେଜ୍ ଭେରିଏଣ୍ଟର ଦାମ୍ ୨୬,୯୯୯ ଟଙ୍କା ରଖିଛି କମ୍ପାନୀ । ସେହିଭଳି ୮ ଜିବି + ୨୫୬ ଜିବି ୨୯,୯୯୯ ଟଙ୍କା ଏବଂ ୧୨ ଜିବି + ୨୫୬ ଜିବି ଷ୍ଟୋରେଜର ଦାମ୍ ୩୨,୯୯୯ ଟଙ୍କା ରଖିଛି କମ୍ପାନୀ । ଏହି ଫୋନ୍ ୨ ରଙ୍ଗରେ ଆସିଥାଏ ଯଥା ଡେନିମ୍ ବ୍ଲାକ୍ ଏବଂ ଲାଇଟ ଗ୍ରୀନ୍ । ଆପଣ ଏହାକୁ ଅନଲାଇନ୍ ଆମାଜନ ଏବଂ ସାମସଙ୍ଗ ଇଣ୍ଡିଆର ଓ୍ବେବସାଇଟରୁ କ୍ରୟ କରିପାରିବେ । ତେବେ ଅଫର ଅନୁସାରେ କମ୍ପାନୀ କ୍ରେଡିଟ୍ ଏବଂ ଡେବିଟ୍ କାର୍ଡ ପୈଠରେ ୨ ହଜାର ଟଙ୍କାର ତୁରନ୍ତ ରିହାତି ଦେଉଛି । ଏଥିରେ ୬.୭ ଇଞ୍ଚର ବଡ ସ୍କ୍ରିନ୍ ରହିଛି । ଫୋନରେ କ୍ବାଲକମ୍ ସ୍ନାପଡ୍ରାଗନ ୭ ଜେନ୍ ୧ ଚିପସେଟ୍ ରହିଛି । ଏଥିରେ ଆଣ୍ଡ୍ରଏଡ୍ ୧୪ ମିଳିବ । କମ୍ପାନୀ ଏଥିରେ ୪ ବର୍ଷର ଓଏସ୍ ଅପଡେଟ୍ ଏବଂ ୫ ବର୍ଷର ସୁରକ୍ଷା ଅପଡେଟ୍ ଦେବାକୁ ପ୍ରତିଶ୍ରୁତି ଦେଉଛି ।
