ନୂଆଦିଲ୍ଲୀ : ସରକାରୀ ଟେଲିକମ୍ କମ୍ପାନୀ ବିଏସଏନଏଲ୍ ନୋକିଆ ଏବଂ ଚୀନର କମ୍ପାନୀ ଜେଡଟିଇଠୁ ପରାମର୍ଶ ନେଉଛି । ସୂଚନା ଅନୁସାରେ ବିଏସଏନଏଲ୍ ନିଜ ନୂଆ ସ୍ବଦେଶୀ ରୂପେ ବିକଶିତ ୪ଜି ନେଟଓ୍ବର୍କକୁ ନିଜ ବର୍ତ୍ତମାନର ୨ଜି ଏବଂ ଥ୍ରୀଜି ନେଟଓ୍ବର୍କ ସହିତ ଯୋଡିବାରେ ସାହାଯ୍ୟ ପାଇଁ ନୋକିଆ ଏବଂ ଜେଡଟିଇ ଭଳି କମ୍ପାନୀଠୁ ପରାମର୍ଶ ନେଉଛି । ବିଏସଏନଏଲ୍ ନିଜ ଆଉଟଡୋର ୪ଜି ସେବାକୁ ଉତ୍ତମ କରିବା ପାଇଁ ଏମିତି ପଦକ୍ଷେପ ଉଠାଇଛି ।
ଭାରତ ସରକାର ସି-ଡଟ୍ ମାଧ୍ୟମରେ ୪ଜି ନେଟଓ୍ବର୍କର ମୁଖ୍ୟ ଭାଗ(କୋର ନେଟଓ୍ବର୍କ) ସ୍ବଦେଶୀ ରୂପେ ବିକଶିତ କରିଛି । ସେହିଭଳି ରେଡିଓ ଉପକରଣ ଟାଟା ସମୂହର କମ୍ପାନୀ ତେଜସ ନେଟଓ୍ବର୍କସ ଦ୍ବାରା ଯୋଗାଣ କରୁଛି ଏବଂ ଟିସିଏସ୍ ସିଷ୍ଟମ ଇଣ୍ଟିଗ୍ରେଟର ରୂପେ କାମ କରୁଛି ।
ମିଶୋ ଏବଂ ଫ୍ଲିପକାର୍ଟକୁ ଟକ୍କର ଦେବା ପାଇଁ ଆମାଜନ ଆଣିଲା ‘ବଜାର’, ଗ୍ରାହକଙ୍କୁ କମ୍ ଦାମରେ ମିଳିବ ସାମଗ୍ରୀ
ସି-ଡଟ୍ ଚଣ୍ଡୀଗଡ ଏବଂ ଅମ୍ବାଲାରେ ବିଏସଏନଏଲର ବାଣିଜ୍ୟିକ ନେଟଓ୍ବର୍କ ଉପରେ ନିଜ ସ୍ବଦେଶୀ ୪ଜି କୋରର ସଫଳ ପରୀକ୍ଷଣ କରିଛି । ବର୍ତ୍ତମାନ ସେବା ଟେଷ୍ଟବେଡ କୋର ନେଟଓ୍ବର୍କ ମାଧ୍ୟମରେ ଦିଆଯାଉଛି । ମେ-ଜୁନ୍ ସୁଦ୍ଧା ଏକ ନିୟମିତ କୋର ନେଟଓ୍ବର୍କ ଆରମ୍ଭ ହେବା ଆଶା କରାଯାଉଛି ଯାହା ୧ ଲକ୍ଷରୁ ଅଧିକ ସାଇଟକୁ ସମ୍ଭାଳି ପାରିବ ।
