ନୂଆଦିଲ୍ଲୀ : ମହିନ୍ଦ୍ରା ଗ୍ରୁପର ଅଧ୍ୟକ୍ଷ ଆନନ୍ଦ ମହିନ୍ଦ୍ରା ସାମାଜିକ ଗଣମାଧ୍ୟମ ପ୍ଲାଟଫର୍ମ ଏକ୍ସରେ ବେଶ୍ ସକ୍ରିୟ ରୁହନ୍ତି । ଅନେକ ସମୟରେ ସେ ଅଲଗା ମୁଦ୍ଦା ଉପରେ ନିଜ ମତାମତ ପୋଷ୍ଟ କରିଥାନ୍ତି । ତାଙ୍କ ଫ୍ୟାନ୍ ଫଲୋଇଂ ମଧ୍ୟ ବହୁତ ଅଧିକ । ନିକଟରେ ସେ ସେହି ଝିଅକୁ ନିଯୁକ୍ତି ଦେବା ପାଇଁ କହିଛନ୍ତି ଯିଏ ଆଲେକ୍ସା ସାହାଯ୍ୟରେ ନିଜ ସାନ ଭଉଣୀର ଜୀବନ ବଞ୍ଚଇଥିଲେ ।
The dominant question of our era is whether we will become slaves or masters of technology.
The story of this young girl provides comfort that technology will always be an ENABLER of human ingenuity.
Her quick thinking was extraordinary.
What she demonstrated was the… https://t.co/HyTyuZzZBK
— anand mahindra (@anandmahindra) April 6, 2024
ଉତ୍ତର ପ୍ରଦେଶର ବସ୍ତି ଜିଲାରେ ରହୁଥିବା ୧୩ ବର୍ଷର କିଶୋରୀ ଆଲେକ୍ସା ସାହାଯ୍ୟରେ ନିଜ ଘରେ ପଶିଥିବା ମାଙ୍କଡକୁ ଘଉଡାଇ ଦେଇଥିଲେ ଏବଂ ନିଜ ସାନ ଭଉଣୀର ଜୀବନ ବଞ୍ଚାଇଥିଲେ । ଗୋଟେ ମାଙ୍କଡ ତାଙ୍କ ଘରକୁ ଅଚାନକ ପଶି ଆସିଥିଲା । ସେ ମାଙ୍କଡକୁ ଡରାଇବା ପାଇଁ ଆଲେକ୍ସା ସାହାଯ୍ୟରେ କୁକୁର ଭୋକିବାର ଶବ୍ଦ ବ୍ୟବହାର କରିଥିଲେ । ଏହା ଶୁଣି ମାଙ୍କଡଟି ତୁରନ୍ତ ଦୌଡି ପଳାଇଥିଲା । ନିଜ ୧୫ ମାସର ସାନ ଭଉଣୀର ଜୀବନ ବଞ୍ଚାଇବା ପାଇଁ ତାଙ୍କର ଏହି ଉପାୟକୁ ସମସ୍ତେ ଗଣମାଧ୍ୟମରେ ପ୍ରଶଂସା କରିଥିଲେ ।
ଏହି ଘଟଣାରେ ପ୍ରତିକ୍ରିୟା ରଖି ଆନନ୍ଦ ମହିନ୍ଦ୍ରା ନିଜ ଏକ୍ସରେ ଲେଖିଛନ୍ତି କି ‘ଏହି ପିଲାର କାହାଣୀ ପ୍ରେରଣା ଦେଉଛି ଯେ ପ୍ରଯୁକ୍ତିବିଦ୍ୟା ସବୁବେଳେ ମଣିଷକୁ ସାହାଯ୍ୟ କରେ ଏବଂ ମଣିଷର ଦକ୍ଷତାକୁ ବଢାଇବାରେ ସହଯୋଗ କରିଥାଏ । ଏହି ବାଳିକାର ଚିନ୍ତା କରିବାର ଶକ୍ତି ଅସାଧାରଣ । ନିଜ ପଢା ସାରିବା ପରେ ଯଦି ସେ କର୍ପୋରେଟ୍ ଜଗତରେ ଯୋଡି ହେବାକୁ ଚାହିଁବେ ତେବେ ଆଶା କରୁଛୁ କି ଆମେ ତାଙ୍କୁ ମହିନ୍ଦ୍ରରାଇଜରେ ଯୋଡି ହେବାକୁ ମନାଇପାରିବୁ ।’
