ନୂଆଦିଲ୍ଲୀ: ଦେଶରେ ସିବିଆଇ ସମେତ ଅନୁସନ୍ଧନକାରୀ ସଂସ୍ଥା ଗୁଡିକର କାର୍ଯ୍ୟ ପ୍ରଣାଳୀ ଉପରେ ସୁପ୍ରିମକୋର୍ଟର ପ୍ରଧାନ ବିଚାରପତି ଡି.ୱାଇ ଚନ୍ଦ୍ରଚୂଡ ଏକ ବଡ ପରାମର୍ଶ ଦେଇଛନ୍ତି। ସେ କହିଛନ୍ତି ଯେ ଏଜେନ୍ସିର ପ୍ରସାର ବହୁତ କମ। ସେମାନେ ଜାତୀୟ ସୁରକ୍ଷା ଓ ଦେଶ ବିରୋଧୀ ଅପରାଧ ଉପରେ ଫୋକସ କରିବା ଆବଶ୍ୟକ। ଅନୁସନ୍ଧନକାରୀ ସଂସ୍ଥା ସେହି ଅପରାଧ ଉପରେ ଧ୍ୟାନ ଦେବା ଜରୁରୀ। ସୋମବାର ସିବିଆଇର ପ୍ରତିଷ୍ଠା ଦିବସରେ ପ୍ରଧାନ ବିଚାରପତି କହିଛନ୍ତି ଆଜି ଦେଶର ପ୍ରମୁଖ ଅନୁସନ୍ଧନକାରୀ ସଂସ୍ଥା କେବଳ ସେହି ମାମଲାଗୁଡିକ ଉପରେ ଧ୍ୟାନ ଦେବା ଉଚିତ। ଯେଉଁଥିରେ ଜାତୀୟ ସୁରକ୍ଷା, ଦେଶ ବିରୋଧୀ ଅପରାଧ ଓ ଜନସାଧାରଣଙ୍କ ପାଇଁ ସବୁଠାରୁ ବଡ ବିପଦ ରହିଛି। ଦୁର୍ନୀତି ନିବାରଣ ଏଜେନ୍ସି ଭାବେ ଏହାର ଭୂମିକା ବ୍ୟତୀତ ବିଭିନ୍ନ ଅପରାଧିକ ମାମଲାର ତଦନ୍ତ କରିବାକୁ ସିବିଆଇକୁ କୁହାଯାଉଛି। ସମସ୍ତଙ୍କ ଆଶା ଅନୁଯାୟୀ ସିବିଆଇକୁ ଏହି ଦାୟିତ୍ୱ ଠିକ ଭାବେ ସମ୍ପାଦନ କରିବାକୁ ଅନେକ ଗୁରୁଦାୟିତ୍ୱ ନିର୍ବାହ କରିବାକୁ ପଡ଼ୁଛି। କିନ୍ତୁ ଏହାର ସୀମିତ ପରିସର ହେତୁ ପ୍ରମୁଖ ଅନୁସନ୍ଧାନକାରୀ ସଂସ୍ଥାଗୁଡ଼ିକ କେବଳ ଜାତୀୟ ସୁରକ୍ଷା ସହ ଜଡ଼ିତ ମାମଲା ଉପରେ ଧ୍ୟାନ ଦେବା ଆବଶ୍ୟକ। ପ୍ରତ୍ୟେକ ମାମଲା ସିବିଆଇକୁ ହସ୍ତାନ୍ତର କରିବା ଠିକ ନୁହେଁ।
Popular Categories
Previous article
Next article