ଗୋପାଳପୁର : ଗୋପାଳପୁର ଥାନା ଅନ୍ତର୍ଗତ ଏକ ଆପାର୍ଟମେଣ୍ଟର ଏକ ଘରୁ ତାଲା ଭାଙ୍ଗି ଦୁର୍ବୃତ୍ତମାନେ ସୁନା, ହୀରା ଲୁଟ କରିଥିବା ନେଇ ଥାନାରେ ଲିଖିତ ଅଭିଯୋଗ ହୋଇଛି । ସୂଚନା ପ୍ରକାରେ ଆମ୍ବପୁଆ ସ୍ଥିତ ସରଧାବାଲି ସ୍ଥିତ କନକ୍ଳେବ ଆପାର୍ଟମେଣ୍ଟରେ ରହୁଥିବା ଅବିନାଶ ମହାନ୍ତି ହୋଲି ଅବସରରେ ଦୁଇ ଦିନ ପାଇଁ କୌଣସି କାରଣ ପାଇଁ ବାହାରକୁ ଚାଲି ଯାଇଥିଲେ । ଗତକାଲି ପହଞ୍ଚି ଦେଖିଲା ବେଳେ ଘରର ତାଲା ଭଙ୍ଗା ଯିବା ସହ ଆଲମାରୀ ଭଙ୍ଗା ଯାଇଥିଲା । ସେଥିରେ ଥିବା ସୁନା, ହୀରା ଚୋରି ହୋଇଥିବା ନେଇ ଗୋପାଳପୁର ଥାନାରେ ଲିଖିତ ଅଭିଯୋଗ କରିଥିଲେ । ଅଭିଯୋଗ ପ୍ରକାରେ ପୁଲିସ ୧୧୯/୨୪ ମାମଲା ରୁଜୁ କରି ଘଟଣାସ୍ଥଳରେ ପହଞ୍ଚି ତଦନ୍ତ କରିବା ସହ ସାଇଣ୍ଟିଫିକ ଟିମ ପହଞ୍ଚି ନମୁନା ସଂଗ୍ରହ କରିଛି । ସେହିପରି ନାରାୟଣପୁରରେ ରହୁଥିବା ନାରାୟଣ ସେଠୀ ଦୀର୍ଘ ଦିନ ହେଲା ଘରେ ତାଲା ପକାଇ ବାହାରକୁ ଚାଲି ଯାଇଥିଲେ । ଘରେ ତାଲା ପଡ଼ିଥିବା ଯୋଗୁଁ ଦୁର୍ବତ୍ତ ମାନେ ସୁଯୋଗ ନେଇ ତାଲା ଭାଙ୍ଗି ଘରେ ଥିବା ସୁନା, ଦେଢ଼ ଲକ୍ଷ ଟଙ୍କା ଲୁଟି ନେଇଥିବା ଥାନାରେ ଅଭିଯୋଗ ହୋଇଛି ।
