ଫୁଲବାଣୀ : କନ୍ଧମାଳ ଜିଲ୍ଲା ଫୁଲବାଣୀ ନିକଟସ୍ଥ କଡ଼ିପାରି ସରକାରୀ ଆଶ୍ରମ ସ୍କୁଲରେ ଶିକ୍ଷୟତ୍ରୀଙ୍କ ମନମୁଖୀ କାର୍ଯ୍ୟ କଳାପ ଯୋଗୁଁ ଛାତ୍ରଛାତ୍ରୀଙ୍କ ଅଭିଭାବକ, ବିଦ୍ୟାଳୟ ପରିଚାଳନା କମିଟିର ସଦସ୍ୟ ଓ ଗ୍ରାମବାସୀ ସ୍କୁଲରେ ତାଲା ପକାଇଥିବା ଦେଖିବାକୁ ମିଳିଛି । ପାଞ୍ଚଦିନ ହେଲାଣି ଆଶ୍ରମ ସ୍କୁଲରେ ତାଲା ପଡିଛି ।
ସୂଚନା ମୁତାବକ କଡ଼ିପାରି ସରକାରୀ ଆଶ୍ରମ ସ୍କୁଲରେ କାର୍ଯ୍ୟରତ ଶିକ୍ଷୟତ୍ରୀ ଅରୁଣୀ ପ୍ରିୟା ଖଣ୍ଡେଇ କିଛିଦିନ ହେଲା ସ୍କୁଲରେ ପିଲାଙ୍କୁ ଠିକ୍ ଭାବରେ ପାଠ ନପଢାଇ ପିଲାଙ୍କୁ ଗାଳି ଗୁଳଜ କରିବା ସହ ଖରାପ ବ୍ୟବହାର କରୁଥିବା ଅଭିଭାବକ ମାନେ ଅଭଯୋଗ କରିଛନ୍ତି । ଏହି ଘଟଣାରେ ଅଭିଭାବକମାନେ ଶିକ୍ଷୟତ୍ରୀଙ୍କୁ ପଚାରିବାରୁ କୌଣସି କଥାକୁ ଖାତିର ନକରି ଅଭିଭାବକ ମାନଙ୍କୁ ଦୁର୍ବ୍ୟବହାର କରିଆସୁଛନ୍ତି । ଏହି ସମ୍ପର୍କରେ ଫିରିଙ୍ଗିଆ ବିଇଓଙ୍କୁ ମଧ୍ୟ ଅଭିଯୋଗ କରିଥିଲେ ମଧ୍ୟ କୌଣସି ଫଳ ନ ମିଳିଥିବାରୁ ଗ୍ରାମବାସୀ ଓ ଛାତ୍ରଛାତ୍ରଙ୍କ ଅଭିଭାବକ ମାନେ ଉତ୍ତ୍ୟକ୍ତ ହୋଇ ସ୍କୁଲରେ ତାଲା ପକାଇଛନ୍ତି । ଅନ୍ୟପକ୍ଷରେ ଶିକ୍ଷୟତ୍ରୀ ଏହାକୁ ଖଣ୍ଡନ କରିଛନ୍ତି ।
Comments are closed.