ନୂଆଦିଲ୍ଲୀ : ସମୟ ସହିତ ମାନବ ମସ୍ତିଷ୍କର ଆକାର ଧିରେ ଧିରେ ବଢୁଛି ଯାହା ଫଳରେ ଯୁବପିଢିଙ୍କ ମଧ୍ୟରେ ଡିମେନସିଆର ଆଶଙ୍କା କମିପାରେ । ଜାମା ନ୍ୟୁରୋଲୋଜିରେ ଛପିଥିବା ଏକ ଅଧ୍ୟୟନର ରିପୋର୍ଟରେ ଏହା ସାମ୍ନାକୁ ଆସିଛି ।
ଅଧ୍ୟୟନରେ ୫୫ରୁ ୬୫ ବର୍ଷର ୩ ହଜାର ବୟସ୍କଙ୍କ ମସ୍କିଷ୍କର ଫଟୋ ଲାଗିଛି । ଏସବୁ ନେଇ ଅଧ୍ୟୟନ କରାଯାଇଥିଲା । ଏଥିରୁ ଜଣାପଡିଥିଲା କି ୧୯୭୦ ଦଶକରେ ଜନ୍ମ ନେଇଥିବା ଲୋକଙ୍କ ମସ୍କିଷ୍କର ଆକାର ୧୯୩୦ ଦଶକରେ ଜନ୍ମ ନେଇଥିବା ଲୋକଙ୍କ ମସ୍କିଷ୍କ ତୁଳନାରେ ୬.୬ ପ୍ରତିଶତ ଅଧିକ । ନ୍ୟୁରୋଲୋଜିଷ୍ଟ ଚାର୍ଲ୍ସ ଡେକାର୍ଲି କୁହନ୍ତି କି ମସ୍ତିଷ୍କର ଆକାରକୁ ନିର୍ଦ୍ଧାରିତ କରିବାରେ ଜେନେଟିକ୍ସ ମୁଖ୍ୟ ଭୂମିକା ଗ୍ରହଣ କରିଥାଏ । ତେବେ ଏହି ଅଧ୍ୟୟନରେ ଜଣାପଡିଛି କି ବାହ୍ୟ ପ୍ରଭାବ ଯଥା ସ୍ବାସ୍ଥ୍ୟ, ସାମାଜିକ ଚଳଣି ଏବଂ ଶିକ୍ଷା ମଧ୍ୟ ମୁଖ୍ୟ ଭୂମିକା ଗ୍ରହଣ କରିପାରେ ।
ବିଶ୍ବ ସ୍ବାସ୍ଥ୍ୟ ସଙ୍ଗଠନ ଅନୁସାରେ ବିଶ୍ବରେ ୫.୫ କୋଟି ଲୋକ ଡିମେନସିଆରେ ପିଡିତ । ଏମାନଙ୍କ ମଧ୍ୟରୁ ୬୦ ପ୍ରତିଶତ ରୋଗୀ କମ୍ ବା ମଧ୍ୟମ ଆୟ କରୁଥିବା ଦେଶରେ ରୁହନ୍ତି । ଭୁଲିବା ରୋଗ ଅଧିକାଂଶ ବୟସ୍କଙ୍କଠାରେ ହିଁ ଦେଖିବାକୁ ମିଳେ । ଆପଣଙ୍କ ମସ୍ତିଷ୍କର ଆକାର ମସ୍ତିଷ୍କର ସ୍ବାସ୍ଥ୍ୟ ସମ୍ପର୍କରେ ଜଣାଇଥାଏ । ଯଦି ମସ୍ତିଷ୍କର ଆକାର ହ୍ରାସ ପାଉଛି ତେବେ ଡିମେନସିଆର ଲକ୍ଷଣ ହୋଇପାରେ । ମସ୍ତିଷ୍କର ଆକାର ସମାନ ରହିବା ବା ବୃଦ୍ଧି ପାଇବା ଏକ ଉତ୍ତମ ଲକ୍ଷଣ ହୋଇପାରେ । ପ୍ରତିଦିନ ଅଧଘଣ୍ଟା ବୁଲାବୁଲି କରି ମଧ୍ୟ ଆପଣ ନିଜ ମସ୍ତିଷ୍କକୁ ସୁସ୍ଥ ରଖିପାରିବେ ।
