କଲ୍ୟାଣସିଂହପୁର: ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ ସଦରରେ ଏକ ମଇଁଷି ବୋଝେଇ ପିକଅପ୍ ଭ୍ୟାନକୁ ଆଜି ପୁଲିସ ଜବତ କରିଥିବା ଦେଖିବାକୁ ମିଳିଛି । ସନ୍ଧ୍ୟାରେ ଏକ ପିକଅପ୍ ଭ୍ୟାନ ନମ୍ବର ଏପି ୩୫ଏକ୍ସ ୯୩୩୧ ରେ ୪ଟି ମଇଁଷି ନେଇ ରାୟଗଡା ପିତମହଲ ଯାଉଥିବା ବେଳେ କୌଣସି ସୂତ୍ରରୁ ପୁଲିସ ଖବର ପାଇ ଏସଆଇ ଶିବ ପ୍ରସାଦ ସାହୁ ଓ ଏସ ଆଇ ସଞ୍ଜୟ କୁମାର ମୁର୍ମୁ ପହଞ୍ଚି ବଡଦ୍ୱାର ସାହି ନିକଟରେ ଗାଡିକୁ ଅଟକ ରଖିଥିଲେ । ଉକ୍ତ ଗାଡିକୁ ଥାନାକୁ ଆଣି ପଚରା ଉଚରା କରିବା ପରେ ୩୯ କେସ ନମ୍ବରରେ ମାମଲା ରୁଜୁ କରି ଗାଡି ଚାଳକକୁ ଅଟକ ରଖି ପଚରାଉଚରା ଚଳାଇଛନ୍ତି ।ଏହାକୁ ନେଇ ପଶୁ ଚିକିତ୍ସକ ବିଚିତ୍ରା ନନ୍ଦ ସାହୁ ଆସି ମଇଁଷିର ସ୍ୱାସ୍ଥ୍ୟ ପରୀକ୍ଷା କରି ଗୋଶାଳାରେ ନେଇ ଛାଡିଥିବା ଥାନା ଅଧିକାରୀ ନୀଳକଣ୍ଠ ବେହେରା ସୂଚନା ଦେଇଛନ୍ତି ।
