ସମାଜ ଡିଜିଟାଲ ଡେସ୍କ: ସୋସିଆଲ ମିଡ଼ିଆରେ ଅନେକ ଲୋକ ଏଭଳି କିଛି ଭିଡ଼ିଓ ଅପଲୋଡ କରିଥାନ୍ତି ଯାହାକି ସମସ୍ତଙ୍କୁ ଆଶ୍ଚର୍ଯ୍ୟ କରିଥାଏ । କିଛି ସୋସିଆଲ ମିଡ଼ିଆ ବ୍ୟବହାରକାରୀ ଏହି ଲୋକଙ୍କ କାର୍ଯ୍ୟକଳାପକୁ ପସନ୍ଦ କରିଥିବା ବେଳେ ଅନେକ ଏହାକୁ ସମାଲୋଚନା କରିଥାନ୍ତି । ଏବେ ଏପରି ଏକ ଭାଇରାଲ ଭିଡ଼ିଓ ଦେଖି ସୋସିଆଲ ମିଡ଼ିଆ ବ୍ୟବହାରକାରୀ କହିଛନ୍ତି ପ୍ରକୃତରେ ଏହା କିପରି ସମ୍ଭବ ହୋଇପାରେ ।
ଚଲା କିଭଳି ଗଳୁନି ପାଣି
ସୋସିଆଲ ମିଡ଼ିଆରେ ଭାଇରାଲ ହେଉଥିବା ଭିଡ଼ିଓରେ ଦେଖିବାକୁ ମିଳିଛି ଯେ ଜଣେ ଯୁବକ ଅନ୍ୟ ଜଣଙ୍କ ସହ କଥା ହେଇ କହୁଛନ୍ତି ଯେ ଏହା ଗଙ୍ଗ ମାଙ୍କ ଜଳ, ଏଥିରେ ବହୁ ଚମତ୍କାର ରହିଛି । ଯୁବକ ଜଣଙ୍କ କାଗଜ ଗ୍ଲାସରେ ପାଣି ଭର୍ତ୍ତି କରି ଗୋଟିଏ ହାତରେ ଧରିଥିବା ବେଳେ ଅନ୍ୟଟିରେ ଚଲାଟିଏ ଧରି ସେଥିରେ ଢାଳିଛନ୍ତି । କିଛି ସମୟ ପର ଯୁବକ ଜଣଙ୍କ କହୁଛନ୍ତି ଦେଖିବେ ଏବେ ଏହି ପାଣି ଚଲାରୁ ତଳକୁ ପଡିବ ନାହିଁ । ଗୋଟିଏ ଗ୍ଲାସ ପାଣିକୁ ଚଲାରେ ଓଲଟାଇ ତଳେ ହାତ ରଖିଥିବା ଯୁବକ କିଛି ସମୟ ପରେ ହାତ କାଢି ଦେଇଥିଲେ । ଆଶ୍ଚର୍ଯ୍ୟର କଥା ହେଲା ଚଲାରୁ ବୁନ୍ଦାଏ ବି ପାଣି ତଳେ ପଡିନଥିଲା । ଏହା ଗଙ୍ଗା ମାଙ୍କ ଚମତ୍କାର ବୋଲି ଯୁବକ ଜଣଙ୍କ କହୁଛନ୍ତି । କିନ୍ତୁ ଆପଣଙ୍କୁ ଏଠାରେ କହି ରଖୁ ଏହା ଏକ ବୈଜ୍ଞାନକି କାରଣ ହୋଇପାରେ । ବିଜ୍ଞାନ ପଦ୍ଧତିରେ ଆପଣ ଚଲାରୁ ପାଣିରୁ ଖସିବା ବନ୍ଦ କରିପାରିବେ । ଏହାକୁ ଭୂପୃଷ୍ଠ ଟେନସନ କୁହାଯାଏ । ବାସ୍ତବରେ ଯେତେବେଳେ ଆପଣ ସାବଧାନତାର ସହ ଚଲା ଉପରେ ରଖାଯାଇଥିବା ଗ୍ଲାସକୁ କାଢିବେ ସେଠାରେ ଏକ ସ୍ତର ସୃଷ୍ଟି ହୁଏ, ଯାହା ଜଳକୁ ଖସିଯିବାକୁ ଅଟକାଇଥାଏ ।
ଏହି ଭିଡ଼ିଓ ଦେଖିବା ପରେ ଅନେକ ସୋସିଆଲ ମିଡ଼ିଆ ବ୍ୟବହାରକାରୀ ମାନେ କହିଛନ୍ତି ଯେ ଏହା ଚମତ୍କାର ନୁହେଁ ବିଜ୍ଞାନ । ଆଉ କେହି କହିଛନ୍ତି ଏପରି ଭିଡ଼ିଓ ଦେଖାଇ ଲୋକଙ୍କୁ ବୋକା ବନାଉଥିବା ଏଭଳି ବ୍ୟକ୍ତିଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବା ଉଚିତ ।
ଆଶ୍ଚର୍ଯ୍ୟ କଲାଭଳି ଦୃଶ୍ୟ ;
ଚଲାରୁ ଗଳୁନି ପାଣି#ViralVideo #Samajalive pic.twitter.com/Dy8bWfMjne— Samaja Live (@samajalive) March 19, 2024
