ଅଜଗର ଓ କୁମ୍ଭୀରର ଭୟଙ୍କର ଲଢେଇ, ମାତ୍ର ୪୦ ସେକେଣ୍ଡରେ ଦରମରା: ଭିଡିଓ ଭାଇରାଲ୍

ସମାଜ ଡିଜିଟାଲ ଡେସ୍କ: କୁମ୍ଭୀର ଏକ ଭୟଙ୍କର ଶିକାରୀ। ତା’ ପାଟି ଜାବରେ ଏତେ ଶକ୍ତି ଥାଏ ଯେ, ସେ କଇଁଛ ଖୋଳପାକୁ ମଧ୍ୟ ଚୁରମାର୍‌ କରିପାରେ। ସାମାଜିକ ଗଣମାଧ୍ୟମରେ ଏକ ଲୋମହର୍ଷଣକାରୀ ଭିଡିଓ ଭାଇରାଲ ହୋଇଛି, ଯେଉଁଥିରେ ଏକ ଅଜଗର ଗୋଟିଏ କୁମ୍ଭୀର ସହ ପଙ୍ଗା ନେଉଥିବା ଦେଖିବାକୁ ମିଳିଛି। କିନ୍ତୁ କୁମ୍ଭୀର ତାକୁ ଏତେ ନିର୍ଦ୍ଦୟ ଭାବେ ମାରୁଛି ଯେ, ଯାହା ଦେଖି ଲୋକଙ୍କ ଲୋମ ଶିହରି ଉଠୁଛି। ସେ ଅଜଗରକୁ କେବଳ ପାଟି ଜାବରେ ଭିଡ଼ି ଧରିନାହିଁ, ବରଂ ଅତି ନିର୍ଦ୍ଦୟ ଭାବେ ଏପଟ ସେପଟ କରି କଚାଡ଼ୁଛି। ଯଦ୍ଵାରା ସାପର ଅବସ୍ଥା ଅତ୍ୟନ୍ତ ଦୟନୀୟ ହୋଇପଡ଼ୁଛି।

Why is no one talking about the fact that they have a Crocodile and a Python fighting in their backyard 😳😳 pic.twitter.com/Vbrj4QhE59

— Nature is Amazing ☘️ (@AMAZlNGNATURE) September 18, 2024

୪୦ ସେକେଣ୍ଡର ଏହି ଭିଡିଓରେ ଦେଖାଯାଉଛି ଯେ, ଜଣଙ୍କ ଘର ପଛପଟେ ଏକ କୁମ୍ଭୀର ଏବଂ ଏକ ଅଜଗର ପରସ୍ପର ଲଢୁଛନ୍ତି। କୁମ୍ଭୀରଟି ସାପ ଉପରେ ଭାରି ପଡ଼ୁଛି। ସେ ଅଜଗରର ମଝି ଭାଗକୁ ପାଟିରେ ଜାବୁଡ଼ି ଧରିଛି। ଏହାପରେ ଜୋରରେ ଏପଟ ସେପଟ କରି କଚାଡ଼ୁଛି। ଅଜଗର ନିଜକୁ ବଞ୍ଚାଇବାକୁ ବହୁତ ଚେଷ୍ଟା କରୁଛି। କିନ୍ତୁ କୁମ୍ଭୀର ଜାବରୁ ନିଜକୁ ମୁକ୍ତ କରିବାରେ ବିଫଳ ହେଉଛି। ଶେଷରେ ସେ ହାର ମାନୁଥିବା ଦେଖିବାକୁ ମିଳିଛି।

ସମ୍ବଲପୁରୀ ଗାୟିକା ରୁକ୍ସାନାଙ୍କ ସନ୍ଦେହଜନକ ମୃତ୍ୟୁ, ସ୍ଲୋ ପଏଜନ ଦେଇ ହତ୍ୟା ଅଭିଯୋଗ

ଏକ୍ସରେ ଏହି ଭିଡିଓକୁ ବର୍ତ୍ତମାନସୁଦ୍ଧା ୧୭ ମିଲିୟନରୁ ଅଧିକ ଲୋକ ଦେଖି ସାରିଲେଣି। ଏଥିସହ ୭୪ ହଜାର ଲାଇକ୍ ଏବଂ ହଜାର ହଜାର କମେଣ୍ଟ କରିଥିବା ଦେଖିବାକୁ ମିଳିଛି।