ଡେସ୍କ: ଅଜୟ ଦେବଗନ ଓ ଆର ମାଧବନଙ୍କ ନୂଆ ସିନେମା ‘ସୈତାନ’କୁ ଫିଲ୍ମ ଦର୍ଶକଙ୍କ ସହ ସମାଲୋଚକମାନେ ମଧ୍ୟ ଖୁବ ପ୍ରଶଂସା କରୁଛନ୍ତି। ସାଇକୋଲୋଜିକାଲ ହରର ‘ସୈତାନ’କୁ କେବଳ ପ୍ରଶଂସା ମିଳୁନି ବରଂ ପ୍ରେକ୍ଷାଳୟରେ ମଧ୍ୟ ପ୍ରବଳ ଦର୍ଶକ ମିଳୁଛି। ପ୍ରଥମ ଦିନରେ ଅଜୟ-ମାଧବନଙ୍କ ଅଭିନୀତ ଫିଲ୍ମ ବକ୍ସ ଅଫିସରେ ଦମଦାର ଯାଦୁ ଦେଖିବାକୁ ମିଳିଛି। ‘ସୈତାନ ମୁଭି’ର ପ୍ରଥମ ଦିନର କଲେକ୍ସନର ପ୍ରାରମ୍ଭିକ ତଥ୍ୟ ମଧ୍ୟ ସାମ୍ନାକୁ ଆସିଛି, ଯାହା କି ବର୍ଷର ଦ୍ୱିତୀୟ ବଡ଼ ଓପନର ସାବ୍ୟସ୍ତ ହୋଇପାରେ ବୋଲି ଜଣାପଡିଛି।
ଉତ୍ତେଜନା ଭିତରେ ଭାରତ ଗସ୍ତ ବେଳେ କ୍ଷମା ମାଗିଲେ ମାଳଦ୍ୱୀପର ପୂର୍ବତନ ରାଷ୍ଟ୍ରପତି
ସକନିଲ୍କର ଆର୍ଲି ଟ୍ରେଣ୍ଡସ୍ ରିପୋର୍ଟ ଅନୁଯାୟୀ ଅଜୟ ଦେବଗନ୍ ଏବଂ ଆର୍ ମାଧବନଙ୍କ ଫିଲ୍ମ ୧୪.୫୦ କୋଟିର ବ୍ୟବସାୟ କରିଛି। ଏହି ପରିସଂଖ୍ୟାନ ପ୍ରାରମ୍ଭିକ ଟ୍ରେଣ୍ଡ ସହିତ ସମାନ, ଯାହା ସରକାରୀ ପରିସଂଖ୍ୟାନଠାରୁ ଭିନ୍ନ ହୋଇପାରେ।ମନୋରଞ୍ଜନ ଖବର ଅନୁଯାୟୀ, ‘ସୈତାନ’ ପ୍ରଥମ ଦିନରେ ଦୁଇ ଅଙ୍କରେ ବମ୍ପର ଆୟ କରି ରାଜ ୩ର ରେକର୍ଡ ଭାଙ୍ଗିଛି। ‘ସୈତାନ’ ପୂର୍ବରୁ ଇମ୍ରାନ୍ ହାସ୍ମି, ବିପାଶା ବସୁ ଏବଂ ଇଶା ଗୁପ୍ତାଙ୍କ ହରର ଫିଲ୍ମ ବଲିଉଡର ସବୁଠାରୁ ବଡ଼ ଓପନର ଥିଲା। ସୂଚନା ଅନୁଯାୟୀ, ‘ରାଜ-୩’ ବକ୍ସ ଅଫିସରେ ପ୍ରଥମ ଦିନରେ ୧୦.୩୩ କୋଟି ବ୍ୟବସାୟ କରିଥିଲା। ସେହିପରି ‘ସୈତାନ’ ଏହି ରେକର୍ଡ ଭାଙ୍ଗି ହିନ୍ଦୀ ହରର ଫିଲ୍ମ ପାଇଁ ଏକ ନୂଆ ଫିଗର୍ ସୃଷ୍ଟି କରିଛି।
ବଲିଉଡ୍ ପାଇଁ ୨୦୨୪ ବର୍ଷ ସକାରାତ୍ମକ ଭାବେ ଆରମ୍ଭ ହୋଇଛି। ଜାନୁଆରୀ ମାସରେ ହ୍ରିତିକ ରୋଶନ ଏବଂ ଦୀପିକା ପାଦୁକୋନଙ୍କ ଫିଲ୍ମ ‘ଫାଇଟର’ ୨୪.୬୦ କୋଟି ଟଙ୍କା ସହ ବକ୍ସ ଅଫିସରେ ଖାତା ଖୋଲିଥିଲା। ‘ଫାଇଟର’ ପରେ ଶାହିଦ କପୁର ଓ କ୍ରିତି ସାନନଙ୍କ ଫିଲ୍ମ ‘ତେରି ବାତ୍ ମେଁ ଐସା ଜିଆ’ ପ୍ରଥମ ଦିନରେ ୭.୦୨ କୋଟି ଆୟ କରିଥିଲା। ତା’ପରେ ୟାମି ଗୌତମଙ୍କ ‘ଆର୍ଟିକଲ ୩୭୦’ ପ୍ରଥମ ଦିନରେ ୬.୧୨ କୋଟି ବ୍ୟବସାୟ କରିଥିଲା। ଏଭଳି ସ୍ଥିତିରେ ଆର୍ଲି ଟ୍ରେଣ୍ଡରେ ପ୍ରକାଶିତ ତଥ୍ୟ ଅନୁଯାୟୀ ‘ଫାଇଟର’ ପରେ ‘ସୈତାନ’କୁ ଚଳିତ ବର୍ଷର ଦ୍ୱିତୀୟ ବଡ଼ ଓପନର ଭାବେ ବିବେଚନା କରାଯାଉଛି।
Comments are closed.