ବର୍ତ୍ତମାନ ଦାନ୍ତରେ କ୍ୟାଭିଟି ଏକ ମୁଖ୍ୟ ସମସ୍ୟା ପାଲଟିଛି। ଦାନ୍ତରେ ସୃଷ୍ଟି ହେଉଥିବା ଛୋଟ ଛୋଟ କଣା, ଯାହାକି ଧୀରେ ଧୀରେ ଦାନ୍ତମୂଳ ପଚିବାର କାରଣ ହୋଇଥାଏ, ତାହାକୁ କ୍ୟାଭିଟିଜ କୁହାଯାଏ। ଏହି ସମସ୍ୟା ଅଧିକ ଛୋଟ ପିଲାମାନଙ୍କ ଠାରେ ଦେଖାଯାଇଥାଏ। କାରଣ ସେମାନେ ଅଧିକ ଚକୋଲେଟ ଖାଇଥାଆନ୍ତି। ଛୋଟ ପିଲାଙ୍କ ବ୍ୟତୀତ ଅଧିକାଂଶ ଲୋକେ ମଧ୍ୟ ଏହି ସମସ୍ୟାର ସମ୍ମୁଖୀନ ହୋଇଥାଆନ୍ତି। ଦିନକୁ ୨ ଥର ଦାନ୍ତ ସଫା କରିବା ସହ କିଛି ଘରୋଇ ଉପାୟରେ ଆମେ ଏହି ସମସ୍ୟାରୁ ମୁକ୍ତି ପାଇପାରିବା। ଜାଣନ୍ତୁ ତାହା କ’ଣ….
ଲବଙ୍ଗ – ମୁଖର ତଥା ଦାନ୍ତ ବହୁ ସମସ୍ୟାକୁ ଲବଙ୍ଗ ଦୂର କରିଥାଏ। ଏହାର ଆଣ୍ଟି–ବ୍ୟାକ୍ଟେରିୟଲ ଗୁଣ ଦାନ୍ତର ଯନ୍ତ୍ରଣାକୁ କମ୍ କରିଥାଏ। ଦାନ୍ତ ଯନ୍ତ୍ରଣା ସମୟରେ ଦାନ୍ତରେ ଲବଙ୍ଗ ତେଲ ବ୍ୟବହାର କରିପାରିବେ।
ରସୁଣ – ଖାଦ୍ୟକୁ ସ୍ୱାଦିଷ୍ଟ କରୁଥିବା ରସୁଣ ସ୍ୱାସ୍ଥ୍ୟ ପାଇଁ ମଧ୍ୟ ଉପକାରୀ ଅଟେ। ନିୟମିତ କଞ୍ଚା ରସୁଣ ଖାଇବା ଦାନ୍ତ ପାଇଁ ଖୁବ ଲାଭଦାୟକ ଅଟେ। ଏଥିରେ ଆଣ୍ଟି ଫଙ୍ଗଲ ଓ ଆଣ୍ଟି–ବ୍ୟାକ୍ଟେରିଆ ଗୁଣ ପେନ କ୍ଲିୟର ଭଳି କାମ କରିଥାଏ।
ଲୁଣ ପାଣି – ନିୟମତି ଲୁଣ ପାଣିରେ କୁଳୁକୁଳୁ କରିବା ଦ୍ୱାରା ଦାନ୍ତରେ ଥିବା ଜୀବାଣୁ ନଷ୍ଟ ହୋଇଯାଇଥାଏ। ଫଳରେ ଦାନ୍ତ ସୁସ୍ଥ ରହିଥାଏ।
ଲେମ୍ବୁ – ଲେମ୍ବୁରେ ଭିଟାମିନ-ସି ପ୍ରଚୁର ପରିମାଣରେ ରହିଛି। ଏଥିରେ ଥିବା ଏସିଡ଼ ଜୀବାଣୁକୁ ନଷ୍ଟ କରି ଦାନ୍ତରେ ହେଉଥିବା ଯନ୍ତ୍ରଣାରୁ ମୁକ୍ତି ଦେଇଥାଏ। ପାଟି ଭିତରେ ଏକ ଛୋଟ ଲେମ୍ବୁ ନେଇ ଚୋବାନ୍ତୁ। ଏହା ପରେ କିଛି ସମୟ ପରେ ପାଣିରେ ପାଟି ଧୋଇ ଦିଅନ୍ତୁ। ଏହାର ଦାନ୍ତର ହଳଦିଆ ଦାଗକୁ ଦୂର କରିଥାଏ।
ହଳଦୀ – କ୍ୟାଭିଟିରୁ ମୁକ୍ତି ପାଇବା ପାଇଁ ହଳଦୀର ମଧ୍ୟ ବ୍ୟବହାର କରାଯାଇଥାଏ। ଏହା ମାଢିକୁ ମଜଭୂତ କରିବାରେ ସାହାଯ୍ୟ କରିଥାଏ। ଏହାକୁ ୨ଟି ପ୍ରକ୍ରିୟାରେ ବ୍ୟବହାର କରିପାରିବେ। କ୍ୟାଭିଟି ହୋଇଥିବା ସ୍ଥାନରେ ହଳଦୀ ଲଗାଇ କିଛି ସମୟ ପରେ ପାଟି ଧୋଇ ଦିଅନ୍ତୁ। ଅନ୍ୟ ଏକ ଉପାୟ ହେଉଛି, ଦାନ୍ତରେ ହଳଦୀ ଓ ସୋରିଷ ତେଲ ଲଗାଇ ୧୦ ମିନିଟ ଘଷନ୍ତୁ। ଏହା ପରେ ପାଟି ଧୋଇ ଦିଅନ୍ତୁ। ଏପରି କରିବା ଦ୍ୱାରା କ୍ୟାଭିଟିରୁ ମୁକ୍ତି ମିଳିଥାଏ।
ନିମ୍ବ – ଅଳ୍ପ କିଛି ନିମ୍ବପତ୍ରକୁ ଚୋବାଇ କିଛି ସମୟ ପରେ ପାଟି ଧୋଇ ଦିଅନ୍ତୁ। ଏହା ମଧ୍ୟ କ୍ୟାଭିଟିରୁ ମୁକ୍ତି ଦେଇଥାଏ।
