ଡେସ୍କ: କେନ୍ଦ୍ର ସଙ୍ଗୀତ ନାଟକ ଏକାଡେମୀ ଏହାର ପୁରସ୍କାର ଘୋଷଣା କରିଛି। ଏକ ସ୍ବତନ୍ତ୍ର ସମାରୋହରେ ରାଷ୍ଟ୍ରପତି ଦ୍ରୌପଦୀ ମୁର୍ମୁ ଏହି ପୁରସ୍କାର ପ୍ରଦାନ କରିବେ। ସଂସ୍କୃତି ମନ୍ତ୍ରଣାଳୟର ସୂଚନା ଅନୁଯାୟୀ, ସଙ୍ଗୀତ, ନୃତ୍ୟ, ନାଟକ, ଲୋକ ଓ ଆଦିବାସୀ କଳା, ପୁତୁଳି କଳା ଏବଂ ଆନୁଷଙ୍ଗିକ ଥିଏଟର ଭଳି କଳା କ୍ଷେତ୍ରରେ ଏହି ପୁରସ୍କାର ଦିଆଯାଇଥାଏ।
- Advertisement -
ମନ୍ତ୍ରଣାଳୟ କହିଛି ଯେ ଏକାଡେମୀର ସାଧାରଣ ପରିଷଦ ସର୍ବସମ୍ମତି କ୍ରମେ ୬ ଜଣ ନୂତନ ଏକାଡେମୀ ଫେଲୋ ଅର୍ଥାତ୍ ଏକାଡେମୀ ରତ୍ନ ଚୟନ କରିଛନ୍ତି। ଏକାଡେମୀ ୨୦୨୨ ଓ ୨୦୨୩ ବର୍ଷ ପାଇଁ ସଙ୍ଗୀତ ନାଟକ ଏକାଡେମୀ ପୁରସ୍କାର ପାଇଁ ୯୦ ଜଣ କଳାକାରଙ୍କୁ ଚୟନ କରିଛି। ସଙ୍ଗୀତ ନାଟକ ଏକାଡେମୀ ପକ୍ଷରୁ ଗତ ଦୁଇ ବର୍ଷ ଧରି ଉସ୍ତାଦ ବିସମିଲା ଖାଁ ଯୁବ ପୁରସ୍କାର ପାଇଁ ୮୦ ଜଣ ଯୁବ କଳାକାରଙ୍କୁ ମନୋନୀତ କରାଯାଇଛି।
