କେନ୍ଦୁଝରଗଡ: କେନ୍ଦୁଝର ସଦର ବନାଞ୍ଚଳ ନେଲୁଙ୍ଗ ସଂରକ୍ଷିତ ଜଙ୍ଗଲ ନିକଟରୁ ଶୁକ୍ରବାର ଏକ ମୃତ ଭାଲୁକୁ ବନବିଭାଗ ଉଦ୍ଧାର କରିଛି। ସକାଳେ ଗାଁ ଲୋକେ ଶୌଚ ପାଇଁ ନିକଟସ୍ଥ ଜଙ୍ଗଲକୁ ଯାଇଥିବା ବେଳେ ଏକ ଭାଲୁ ମରି ପଡିଥିବା ଦେଖି ଗାଁ ଲୋକ ବନବିଭାଗକୁ ଖବର ଦେଇଥିଲେ।
ଗ୍ରାମବାସୀଙ୍କ ନିକଟରୁ ବନବିଭାଗ ଖବର ପାଇବା ପରେ ଘଟଣାସ୍ଥଳରେ ମୃତ ଭାଲୁକୁ ଉଦ୍ଧାର କରି ମୃତ୍ୟୁର ପ୍ରାଥମିକ ତଦନ୍ତ ଆରମ୍ଭ କରିଥିବା ଜଣାପଡିଛି। ମୃତ ଭାଲୁଟିର ମୁହଁ ଓ ଗୋଡରୁ ରକ୍ତସ୍ରାବ ହେଉଥିବା ବେଳେ ଏହା ଭାଲୁପଲଙକ ମଧ୍ୟରେ ଗୋଷ୍ଠୀ ସଂଘର୍ଷରୁ ହୋଇଥିବା ବନ ବିଭାଗ ପକ୍ଷରୁ ପ୍ରାଥମିକ ତଦନ୍ତରୁ କୁହାଯାଇଛି। ତେବେ ଭାଲୁଟିର ମୃତଦେହ ବ୍ୟବଛେଦ ରିପୋର୍ଟ ଆସିବା ପରେ ପ୍ରକୃତ କାରଣ ଜଣାପଡିବ ବୋଲି ସହକାରୀ ବନ ସଂରକ୍ଷକ ଅଶୋକ କୁମାର ଦାସ କହିଛନ୍ତି।
Comments are closed.