ନୂଆଦିଲ୍ଲୀ : ୟାମାହା ଇଣ୍ଡିଆ ମୋଟର ନିଜ ଲୋକପ୍ରିୟ ମୋଟରସାଇକେଲ FZ-X ର ଏକ ନୂଆ ରଙ୍ଗ ବିକଳ୍ପ ନେଇଆସିଛି । କମ୍ପାନୀ ଏଫଜେଡ୍-ଏକ୍ସ ପାଇଁ ନୂଆ କ୍ରୋମ୍ କଲର ନେଇଆସିଛି । କହିରଖୁଛୁ ଏହି ମଡେଲ ପୂର୍ବରୁ ହିଁ ଭାରତୀୟ ଅଟୋ ବଜାରରେ ଉପଲବ୍ଧ ଏବଂ କମ୍ପାନୀ ଏବେ ଏହାକୁ ଆଉ ଏକ ନୂଆ ରଙ୍ଗରେ ଆଣିଛି । ଗ୍ରାହକଙ୍କୁ ଏହି ମୋଟର ସାଇକେଲ ପ୍ରତି ଅଧିକ ଆକର୍ଷିତ କରିବା ପାଇଁ ନୂଆ କ୍ରୋମ୍ ରଙ୍ଗ ପ୍ରସ୍ତୁତ କରାଯାଇଛି । ଯଦି ଆପଣ ଏହି ଗାଡି କିଣିବାକୁ ଚାହୁଁଛନ୍ତି ତେବେ ପ୍ରଥମ ୧୦୦ ଜଣ ଗ୍ରାହକଙ୍କୁ ଏକ ଖାସ୍ ଗିଫ୍ଟ ମିଳିବା ନେଇ ପ୍ରତିଶ୍ରୁତି ଦେଇଛି କମ୍ପାନୀ ।
କମ୍ପାନୀ ଏହି ବାଇକକୁ ୧.୩୯ ଲକ୍ଷ ଟଙ୍କାର ପ୍ରାରମ୍ଭିକ ଏକ୍ସ-ଶୋରୁମ୍ ଦାମ ସହିତ ଲଞ୍ଚ କରିଛି । ଏହା ବ୍ୟତୀତ ୧୦୦ ଅନଲାଇନ୍ ବୁକିଂ କରିଥିବା ଲୋକଙ୍କୁ କମ୍ପାନୀ ତରଫରୁ ଏକ ଖାସ୍ ଗିଫ୍ଟ ଦିଆଯିବ । ଏହି ବାଇକର ପ୍ରଥମ ୧୦୦ କ୍ରେତାଙ୍କୁ କ୍ୟାସିଓ ତରଫରୁ G-Shock ଘଡି ମିଳିବ ।
ବାଇକରେ ମିଳୁଥିବା ଫିଚର୍ସ କଥା କହିବା ତ ଏଥିରେ ୧୪୯ ସିସିର ଇଞ୍ଜିନ ମିଳେ । ଏଥିରେ ସିଙ୍ଗଲ ଚ୍ୟାନେଲ୍ ଏବିଏସ୍ ସହିତ ରିୟରରେ ମଧ୍ୟ ଡିସ୍କ ବ୍ରେକ୍ ମିଳେ । ଏଥିରେ ମଲ୍ଟି ଫଙ୍କସନ୍ ଏଲସିଡି ଇନଷ୍ଟ୍ରୁମେଣ୍ଟ କ୍ଲଷ୍ଟର, ଏଲଇଡି ହେଡଲାଇଟ୍ସ, ରିୟର ମଡଗାର୍ଡ ବ୍ଲୁଟୁଥ୍ କନେକ୍ଟିଭିଟିର ମଧ୍ୟ ସପୋର୍ଟ ମିଳିଥାଏ ।
