ଘଣ୍ଟାପଡ଼ା: କଣ୍ଟାମାଳ ବ୍ଳକ ଘଣ୍ଟାପଡ଼ା ଟିକେଏସଏମଆରଜି ଜୁନିଅର କଲେଜରେ ମହିଳା ଆତ୍ମରକ୍ଷା ତାଲିମ ଶିବିର ଉଦଘାଟିତ ହୋଇଯାଇଛି l ପ୍ରୋଗ୍ରାମ ଅଫିସର ତଥା ଖେଳ ଶିକ୍ଷକ ରାଜକିଶୋର ଭୋଇଙ୍କ ତତ୍ତ୍ଵାବଧାନରେ କଲେଜ ଅଧ୍ୟକ୍ଷ ପରମାନନ୍ଦ ଡାଙ୍ଗ ମୁଖ୍ୟ ଅତିଥି ଭାବେ ଯୋଗଦେଇ ଶିବିରକୁ ଉଦଘାଟନ କରିଥିଲେ । ସମାଜସେବୀ ପ୍ରଭାତ କୁମାର ସାହୁ ମୁଖ୍ୟବକ୍ତା ଭାବେ ଯୋଗଦେଇ ମହିଳାଙ୍କ ପାଇଁ ଆତ୍ମକୋଶଳ ଶରୀରର ସୁରକ୍ଷା କବଚ ଭାବେ କାର୍ଯ୍ୟ କରିଥାଏ ବୋଲି କହିଥିଲେ ।
ଅନ୍ୟତମ ଅତିଥି ଭାବେ ଅଧ୍ୟାପକ ଝସକେତନ ଡାଙ୍ଗ, ସତ୍ୟନାରାୟଣ ପଣ୍ଡା, ପରେଶ ସାହୁ, ନୀଳକଣ୍ଠ ସା, ଅଧ୍ୟାପିକା ସସ୍ମିତା ଖ୍ବାସ, ମାଷ୍ଟର ଟ୍ରେନର ପଦ୍ମିନୀ ଜାନି ଯୋଗ ଦେଇ ବର୍ତ୍ତମାନ ସମୟରେ ମହିଳା ନିଜ ନିଜର ସୁରକ୍ଷା ପାଇଁ ବିଭିନ୍ନ ଶାରୀରିକ କୌଶଳତାର ଆବଶ୍ୟକତା ରହିଛି ବୋଲି ମନ୍ତବ୍ୟ ରଖିଥିଲେ । ଶିବିରରେ ଯୁକ୍ତଦୁଇ ପ୍ରଥମ ବର୍ଷର ସମସ୍ତ ଛାତ୍ରୀ ଉପସ୍ଥିତ ଥିଲେ l ସମସ୍ତ ଅଧ୍ୟାପିକା, ଅଧ୍ୟାପକ ଓ କର୍ମଚାରୀ ସହଯୋଗ କରିଥିଲେ ।
Comments are closed.