କଲମପୁର: ଜାତିର ପିତା ମହାତ୍ମା ଗାନ୍ଧୀଙ୍କ ସ୍ବପ୍ନ କୁଷ୍ଠ ରୋଗ ମୁକ୍ତ ଭାରତ। ଭେଦ ଭାବ ଭୁଲି କୁଷ୍ଠ ରୋଗୀଙ୍କୁ ମର୍ଯ୍ୟାଦା ସହ ଆପଣାଇ ନେବା। ଏହି କ୍ରମରେ ଜାନୁଆରୀ ୩୦ କୁଷ୍ଠ ରୋଗ ନିରୋଧ ଦିବସ ପାଳନ କରାଯାଉଛି। ମଙ୍ଗଳବାର କଲମପୁର ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରଠାରେ କୁଷ୍ଠ ରୋଗ ନିରୋଧ ଦିବସ ପାଳନ ଅବସରରେ ଏକ ସଚେତନତା ସଭା ସହ ଶପଥ ପାଠ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଗୋଷ୍ଠୀ ଜନ ସ୍ବାସ୍ଥ୍ୟ ସଂପ୍ରସାରଣ ଅଧିକାରୀ ହେମନ୍ତ କୁମାର ଶଗଡ଼ିଆଙ୍କ ଦ୍ବାରା ପରିଚାଳିତ ଏହି କାର୍ଯ୍ୟକ୍ରମରେ ଗୋଷ୍ଠୀ ଜନ ସ୍ବାସ୍ଥ୍ୟ ଅଧିକାରୀ ଡାକ୍ତର ଶିବାଶିଷ ସ୍ବାଇଁ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ। ଡାକ୍ତର ମୃତ୍ୟୁଞ୍ଜୟ ମହାନ୍ତି, ଡାକ୍ତର ସୋନାଲି ପଣ୍ଡା, ଡାକ୍ତର ଆଶୁତୋଷ ପରିଡ଼ା, ଡାକ୍ତର ଅମିୟ ଜଗଦଲା ପ୍ରମୁଖ ସମ୍ମାନୀତ ଅତିଥି ଭାବେ ମଞ୍ଚାସୀନ ହେଇଥିଲେ। ଏହି ଅବସରରେ କୁଷ୍ଠ ରୋଗ ମୁକ୍ତ ଭାରତ ଗଠନ ନେଇ ସଭାରେ ଉପସ୍ଥିତ ଥିବା ଆଶାକର୍ମୀ, ଅଙ୍ଗନବାଡ଼ି ଏବଂ ସ୍ବାସ୍ଥ୍ୟ ବିଭାଗର କର୍ମଚାରୀମାନେ ଶପଥ ପାଠ କରିଥିଲେ। କାର୍ଯ୍ୟକ୍ରମ ପାଳନ ଅବସରରେ ଆଶା କର୍ମୀମାନଙ୍କ ମଧ୍ୟରେ କୁଷ୍ଠ ରୋଗ ମୁକ୍ତ ସଚେତନତା ନେଇ ଏକ କୁଇଜ୍ ପ୍ରତିଯୋଗୀତା ଅନୁଷ୍ଠିତ ହୋଇଥିଲା। ଅତିଥିମାନେ କୃତିତ୍ବ ହାସଲ କରିଥିବା ଆଶାକର୍ମୀଙ୍କୁ ପୁରସ୍କୃତ କରି ଉତ୍ସାହିତ କରିଥିଲେ।
Popular Categories
Previous article
Next article