ରେଙ୍ଗାଲିକ୍ୟାମ୍ପ: ଅତାବିରା ବ୍ଲକ ଅନ୍ତର୍ଗତ କୁଲୁଣ୍ଡା ପଞ୍ଚାୟତ ସ୍ଥିତ ଅସ୍ଥାୟୀ ପୋଲ ସାମାନ୍ୟ ବର୍ଷାରେ ଭୁଷୁଡି ପଡ଼ିଛି। ଏହି ପୋଲଟି ବାଵେବିରା ଓ ଲରଂଭାକୁ ସଂଯୋଗ କରୁଛି। ଏହି ଅସ୍ଥାୟୀ ପୋଲ ଦେଇ କୁଲୁଣ୍ଡା, ବାବେବିରା,ପଲସା ପାଲି, ବୁଗୁବୁଗା, ଲରଂଭା, କାଦୋବାହାଲ ଆଦି ଅନେକ ଗ୍ରାମର ହଜାର ହଜାର ଲୋକ ପ୍ରତ୍ୟହ ଯିବା ଆସିବା କରିଥାନ୍ତି। ପ୍ରତିବର୍ଷ ଲକ୍ଷ ଲକ୍ଷ ଟଙ୍କା ଖର୍ଚ୍ଚ କରାଯାଇ ଏହି ଅସ୍ଥାୟୀ ପୋଲ ତିଆରି ହୋଇଥାଏ, ବର୍ଷା ଦିନରେ ଏହି ପୋଲକୁ ହଟାଇ ଦିଆଯାଇଥାଏ।
କିନ୍ତୁ ୧୦ ଲକ୍ଷ ବ୍ୟୟ ଅଟକଳରେ ତିଆରି ହୋଇଥିବା ଏହି ପୋଲକୁ ଦୁଇ ମାସ ମଧ୍ୟ ପୁରି ନାହିଁ। ବର୍ଷା ଋତୁକୁ ଆହୁରି ଦୀର୍ଘ ଦିନ ବାକି ରହିଛି। ମାତ୍ର ସାମାନ୍ୟ ଅଦିନିଆ ବର୍ଷାରେ ଏହି ପୋଲ ଭୁଷୁଡି ଗଲାଣି। ଏହି କାମରେ ସଂଶ୍ଳିଷ୍ଟ ଠିକାଦାର ଓ ଯନ୍ତ୍ରୀଙ୍କ ପିସି କାରବାର ଯୋଗୁଁ ନିମ୍ନ ମlନର କାମ ହୋଇଥିବା ବୁଦ୍ଧିଜୀବୀ ମହଲରେ ଚର୍ଚ୍ଚା ହେଉଛି।
