ଆଠଗଡ଼଼: ଆଠଗଡ଼଼ସ୍ଥିତ ଗୋପବନ୍ଧୁ ମହିଳା ଉଚ୍ଚ ମାଧ୍ୟମିକ ବିଦ୍ୟାଳୟ (କନିଷ୍ଠ କଲେଜ)ରେ ଗୁରୁବାର ଜାତୀୟ ସେବା ଯୋଜନା ଆନୁକୁଲ୍ୟରେ ଜାତୀୟ ମତଦାତା ଦିବସ ପାଳିତ ହୋଇଯାଇଛି। ଏହି ଉପଲକ୍ଷେ ଆୟୋଜିତ ସଭାରେ ଅଧ୍ୟକ୍ଷା ସଂଯୁକ୍ତା ମହାପାତ୍ର ଯୋଗଦେଇ ଏକ ସୁଦୃଢ ଗଣତନ୍ତ୍ର ପାଇଁ ସମସ୍ତଙ୍କର ମତଦାନ କରିବା ଜରୁରୀ ବୋଲି ମତବ୍ୟକ୍ତ କରିଥିଲେ। ଶ୍ରୀମତୀ ମହାପାତ୍ର ଛାତ୍ରୀମାନଙ୍କୁ ମତଦାନର ମହତ୍ତ୍ୱ ବିଷୟରେ ବୁଝାଇବା ସହ ଏହା ସେମାନଙ୍କର ସର୍ବଶ୍ରେଷ୍ଠ ଅଧିକାର ଓ ଅସ୍ତ୍ର ବୋଲି ମତପ୍ରକାଶ କରିଥିଲେ। ଏନଏସଏସ ଯୋଜନା ଅଧିକାରୀ ପ୍ରାଧ୍ୟାପିକା ପ୍ରମୋଦିନୀ ଜେନା ଜାତୀୟ ଭୋଟର ଦିବସ ପାଳନର ଉଦ୍ଦେଶ୍ୟ ଓ ଆଭିମୁଖ୍ୟ ସଂପର୍କରେ ଆଲୋକପାତ କରିବା ସହ ଛାତ୍ରୀମାନଙ୍କୁ ଶପଥପାଠ କରାଇଥିଲେ। କଲେଜର ପ୍ରଶାସନିକ ଅଧିକାରୀ ପ୍ରାଧ୍ୟାପିକା ଡଃ ସ୍ନେହଲତା ତ୍ରିପାଠୀ ଧନ୍ୟବାଦ ଅର୍ପଣ କରିଥିଲେ। ଏଥିରେ ସମସ୍ତ ଅଧ୍ୟାପିକା, ଅଧ୍ୟାପକ ଓ କର୍ମଚାରୀ ଯୋଗଦାନ କରିଥିଲେ।
Comments are closed.