ଦିଲ୍ଲୀ : ଆର୍ଜେଣ୍ଟିନାର ସୁପରଷ୍ଟାର ଲିଓନେଲ ମେସି ଶେଷ ୪ବର୍ଷ ମଧ୍ୟରେ ତୃତୀୟ ଥର ପାଇଁ ଫିଫା ଶ୍ରେଷ୍ଠ ଖେଳାଳି ପୁରସ୍କାର ହାସଲ କରିଛନ୍ତି। ଏକ କଡ଼ା ପ୍ରତିଯୋଗିତାରେ ସେ ନରୱେର ଷ୍ଟ୍ରାଇକର ଏରଲିଙ୍ଗ ହାଲାଣ୍ଡଙ୍କୁ ପଛରେ ପକାଇ ୨୦୨୩ ବର୍ଷ ଲାଗି ଫିଫା ଶ୍ରେଷ୍ଠ ପୁରୁଷ ଖେଳାଳି ପୁରସ୍କାର ହାସଲ କରିଛନ୍ତି। ସେହିପରି ସ୍ପେନ ଓ ବାର୍ସିଲୋନା ଷ୍ଟ୍ରାଇକର ଐତାନା ବୋନମାଟିଶ୍ରେଷ୍ଠ ମହିଳା ଖେଳାଳି ପୁରସ୍କାର ହାସଲ କରିଛନ୍ତି। ଇଂଲଣ୍ଡରେ ଆୟୋଜିତ ସମାରୋହରେ ଏହି ପୁରସ୍କାର ପ୍ରଦାନ କରାଯାଇଛି। ଅନ୍ୟମାନଙ୍କ ମଧ୍ୟରେ ମାଞ୍ଚେଷ୍ଟର ସିଟି ପ୍ରଶିକ୍ଷକ ପେପ୍ ଗାର୍ଡିଓଲା ୨୦୨୩ ବର୍ଷ ଲାଗି ପୁରୁଷ ବର୍ଗରେ ଶ୍ରେଷ୍ଠ ପ୍ରଶିକ୍ଷକ ପୁରସ୍କାର ପାଇଥିବାବେଳେ ଇଂଲଣ୍ଡ ପ୍ରଶିକ୍ଷକ ସରିନା ୱିଗମ୍ୟାନ ଚତୁର୍ଥ ଥର ପାଇଁ ମହିଳା ବର୍ଷର ଶ୍ରେଷ୍ଠ ପ୍ରଶିକ୍ଷକ ପୁରସ୍କାର ହାସଲ କରିଛନ୍ତି। ମାଞ୍ଚେଷ୍ଟର ସିଟି ଷ୍ଟପର ଏଡରସନ ଶ୍ରେଷ୍ଠ ପୁରୁଷ ଗୋଲରକ୍ଷକ ଓ ମାଞ୍ଚେଷ୍ଟର ୟୁନାଇଟେଡ୍ ଏବଂ ଇଂଲଣ୍ଡର ମେରି ଇପ୍ସ ମହିଳା ବର୍ଗରେ ଶ୍ରେଷ୍ଠ ଗୋଲରକ୍ଷକ ପୁରସ୍କାର ପାଇଛନ୍ତି।
Popular Categories
Previous article
Next article