ଫୁଲବାଣୀ: ରାଜ୍ୟସ୍ତରୀୟ ଗୀତା ଆବୃତ୍ତି ପ୍ରତିଯୋଗିତାରେ କୃତିତ୍ବ ହାସଲ କରିଛନ୍ତି କନ୍ଧମାଳର ଶ୍ରେୟାଂସ ସାହୁ ଓ ସାଧ୍ଵୀ ମୈତ୍ରୀ। ପୁରୀର ପ୍ରଜ୍ଞାନ ମିଶନ ତରଫରୁ ଫୁଲବାଣୀରେ ଅନୁଷ୍ଠିତ ହୋଇଥିବା ବ୍ଲକସ୍ତରୀୟ ଓ ଜିଲ୍ଲାସ୍ତରୀୟ ଗୀତା ଆବୃତ୍ତି ପ୍ରତିଯୋଗିତାରେ କୃତିତ୍ୱ ହାସଲ କରି ରାଜ୍ୟସ୍ତରୀୟ ଗୀତା ଆବୃତ୍ତି ପ୍ରତିଯୋଗିତାରେ ଭାଗ ନେଇ କନ୍ଧମାଳର କେନ୍ଦ୍ରୀୟ ବିଦ୍ୟାଳୟର ୫ମ ଶ୍ରେଣୀ ଛାତ୍ର ଶ୍ରେୟାଂସ ସାହୁ ଓ ସ୍ବାମୀ ଚିଦାନନ୍ଦ ବିଦ୍ୟାଳୟରେ ପଢ଼ୁଥିବା ସାଧ୍ଵୀ ମୈତ୍ରୀ ରାଜ୍ୟସ୍ତରରେ ମଧ୍ୟ କୃତିତ୍ୱ ହାସଲ କରି ଜିଲ୍ଲା ପାଇଁ ଗୌରବ ଆଣିଛନ୍ତି। ଏହି ପ୍ରତିଯୋଗିତାରେ ତାଙ୍କୁ ମାନପତ୍ର ସହିତ ଟ୍ରଫି ପ୍ରଦାନ କରାଯାଇଛି। ଏଥି ସହିତ ଏକ ବର୍ଷ ପର୍ୟ୍ୟନ୍ତ ମାସିକ ବୃତ୍ତି ମଧ୍ୟ ଘୋଷଣା କରାଯାଇଛି। କୃତି ଛାତ୍ର ଜଣକ ବାପା ରଞ୍ଜିତ କୁମାର ସାହୁ ଓ ମାତା ହେମଲତା ସାହୁଙ୍କ ପୁଅ। ପୁରୀସ୍ଥିତ ବାଲିଘାଇ ଗୁରୁକୁଳ ଆଶ୍ରମଠାରେ ଏହି ରାଜ୍ୟସ୍ତରୀୟ ପ୍ରତିଯୋଗିତା ଅନୁଷ୍ଠିତ ହୋଇଥିଲା। ପୁରୀ ଗଜପତି ମହାରାଜା ଓ ଅନ୍ୟ ଗୁରୁମାନଙ୍କ ଦ୍ଵାରା ସେମାନେ ପୁରସ୍କୃତ ହୋଇଥିବା ବେଳେ ସେମାନଙ୍କ କୃତିତ୍ୱ ପାଇଁ ପରିବାର ବର୍ଗ, ଶିକ୍ଷକ/ଶିକ୍ଷୟିତ୍ରୀ ଶୁଭେଚ୍ଛା ଜଣାଇଛନ୍ତି।
ରାଜ୍ୟସ୍ତରୀୟ ଗୀତା ଆବୃତ୍ତି ପ୍ରତିଯୋଗିତା; କନ୍ଧମାଳର ଶ୍ରେୟାଂସ ସାହୁ ଓ ସାଧ୍ଵୀ ମୈତ୍ରୀ ପୁରସ୍କୃତ
Popular Categories
Previous article
Next article