ନବରଙ୍ଗପୁର: ଏକ ସଡ଼କ ଦୁର୍ଘଟଣାରେ ଜିଲା ଫାର୍ମାସିଷ୍ଟ ସଂଘର ସଭାପତି ତେନ୍ତୁକିଖୁଣ୍ଟି ବ୍ଲକ ଅନ୍ତର୍ଗତ ଅଞ୍ଚଳଗୁମା ନିବାସୀ ସୁବୀର ସାହୁ (୪୮)ଙ୍କର ମୃତ୍ୟୁ ଘଟିଛି। ବୁଧବାର ଭୋର ସମୟରେ ନିଜ କାରରେ ଭୁବନେଶ୍ୱରରୁ ନିଜ ଗାଁ ଅଞ୍ଚଳଗୁମା ଫେରିବା ସମୟରେ କୋରାପୁଟ ଜିଲା ଲକ୍ଷ୍ମୀପୁର ଡିଡି ଘାଟି ନିକଟରେ କାର୍ ଏବଂ ହାଇୱା ମୁହାଁମୁହିଁ ଧକ୍କା ହୋଇଥିଳା। ଫଳରେ କାରରେ ବସିଥିବା ୪ଜଣ ବ୍ୟକ୍ତି ଗୁରୁତର ଆହତ ହୋଇଥିଲେ। ସେମାନଙ୍କୁ ଲକ୍ଷ୍ମୀପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ନେଇ ପ୍ରାଥମିକ ଚିକିତ୍ସା କରାଯାଇ କୋରାପୁଟ ମେଡିକାଲ କଲେଜକୁ ପଠାଯାଇଥିଲା। କିନ୍ତୁ ସେଠାରେ ଚିକିତ୍ସାଧୀନ ଅବସ୍ଥାରେ ସୁବୀର ସାହୁଙ୍କର ମୃତ୍ୟୁ ଘଟିଛି। ସେ ଜିଲା ଫାର୍ମାସିଷ୍ଟ ସଂଘର ସଭାପତି ପଦରେ ଥିଲେ। ନିଜର ଉତ୍ତମ ବ୍ୟକ୍ତିତ୍ୱ ପାଇଁ ସମସ୍ତଙ୍କ ସହ ପରିଚିତ ଥିଲେ । ଶବ ବ୍ୟବଚ୍ଛେଦ କରିବା ପରେ ପରିବାର ଲୋକ ମୃତଦେହ ଧରି ଗାଁକୁ ଫେରିଛନ୍ତି। ଅନ୍ୟ ଗୁରୁତରଙ୍କ ଅବସ୍ଥା ସଂକଟାପନ୍ନ ଥିବା ଜଣାପଡ଼ିଛି ।
Comments are closed.