ପଦ୍ମପୁର : ସ୍ୱାମୀ ଆୟାପ୍ପା ଆରାଟୁ ପୂଜା ଆୟୋଜିତ ହୋଇଯାଇଛି । ଆରାଟୁ ପୂଜା ଉତ୍ସବ ପାଇଁ ସକାଳେ ଗୁମୁଡା ସ୍ଥିତ ବଂଶଧାରା ନଦୀ ଘାଟରେ ଶତାଧିକ ସ୍ଵାମୀ ଆୟାପ୍ପା ମାଳାଧାରୀମାନେ ଏକତ୍ରିତ ହୋଇ ସ୍ଵାମୀ ଆୟାପ୍ପାଙ୍କ ବିଗ୍ରହକୁ ଅଭିଷେକ କରାଇଥିଲେ। ପରେ ମାଳାଧାରୀମାନେ ଏକ ବିରାଟ ପଟୁଆରରେ ସ୍ଵାମୀ ଆୟାପ୍ପାଙ୍କ ବିଗ୍ରହକୁ ମୁଣ୍ଡରେ ଧରି ଗୁମୁଡ଼ା ନଦୀ ଘାଟରୁ ପଦ୍ମପୁର ସ୍ଵାମୀ ଆୟାପ୍ପା ସାନିଦାନମ ପର୍ଯ୍ୟନ୍ତ ୧୦ କିଲୋମିଟର ଧରି ଏକ ବିଶାଳ ପଦଯାତ୍ରା କରିଥିଲେ। ପଦ୍ମପୁର, ରାମନାଗୁଡା, ଗୁଡ଼ାରିର ଶତାଧିକ ସ୍ଵାମୀ ଆୟାପ୍ପା ମାଳାଧାରୀ ମାନେ ଏହି ପଦଯାତ୍ରାରେ ଭାଗ ନେଇ ସାନିଦାନମ ପର୍ଯ୍ୟନ୍ତ ଖାଲି ପାଦରେ ଚାଲି ଚାଲି ଆସିଥିଲେ।
ଏହି ସ୍ଵାମୀ ଆୟାପ୍ପାଙ୍କ ଅଭିଷେକ ପୂଜା କାର୍ଯ୍ୟକୁ ପଦ୍ମପୁର ସ୍ଵାମୀ ଆୟାପ୍ପା ସାନିଦାନମର ବୁଜି ଗୁରୁ ସ୍ୱାମୀ ସମ୍ପାଦନ କରିଥିଲେ। ସ୍ଵାମୀ ଆୟାପ୍ପାର ମୂଳ ପୀଠ ସାଵରୀମାଳାରେ ଯେଉଁଭଳି ସ୍ଵାମୀ ଆୟାପ୍ପାଙ୍କ ବିଗ୍ରହକୁ ଅଭିଷେକ କରାଯାଏ ସେହିଭଳି ଏଠାରେ ମଧ୍ୟ ଅଭିଷେକ କରିବାର ଦେଖିବାକୁ ମିଳିଥିଲା । ପାରମ୍ପରିକ ରୀତିନୀତି ପୂଜାର୍ଚ୍ଚନା ପରେ ଶ୍ରଦ୍ଧାଳୁ ମାନଙ୍କ ନିମନ୍ତେ ଅନ୍ନଭୋଗର ବ୍ୟବସ୍ଥା କରାଯାଇଥିଲା । ପଦ୍ମପୁର ସାବରୀମାଳା ସାନିଦାନମର ଭାଦ୍ରୟା ଗୁରୁସ୍ୱାମୀ, ଅରୁଣ ଗୁରୁସ୍ୱାମୀ, ସୀମା ସ୍ୱାମୀ , ନିର ସ୍ୱାମୀ, ଡମ୍ବ ସ୍ୱାମୀ, ଅଖିଲ ସ୍ୱାମୀ, ମୁନା ସ୍ୱାମୀ, ସାଇ ସ୍ୱାମୀ, ବାବୁନି ସ୍ୱାମୀ, ସୁଶାନ୍ତ ସ୍ୱାମୀ, ସତୀଶ ସ୍ୱାମୀ, ରାଜେଶ ସ୍ୱାମୀ, ଅମିତ ସ୍ୱାମୀ ସମେତ ସମସ୍ତ ସ୍ୱାମୀ ମାନେ ଏହି ଧାର୍ମିକ ଆୟୋଜନରେ ସକ୍ରିୟ ଭୂମିକା ନିର୍ବାହ କରିଥିଲେ ।
