ନୂଆଦିଲ୍ଲୀ – କୋଭିଡ୍ ଅନେକ ଲୋକଙ୍କ ଜୀବନ ଜୀବିକାକୁ ବଦଳାଇ ଦେଇଥିଲା । କିଛି ଲୋକଙ୍କ ଚାକିରି ଚାଲିଯାଇଥିଲା । ଆଉ କିଛି ନିଜ ଚାକିରି ଛାଡି ଅନ୍ୟ କାମ କରିଥିଲେ । ଏବେ ଚୁଡା ଉପମା ବିକୁଥିବା ଜଣେ ବ୍ୟକ୍ତିଙ୍କର ରୋଜଗାର ଜାଣିଲେ ଆପଣ ଆଶ୍ଚର୍ଯ୍ୟ ହୋଇଯିବେ । ଏହି ଯୁବକ ଜଣଙ୍କ ମାସକୁ ୫ ଲକ୍ଷ ଟଙ୍କା ରୋଜଗାର କରୁଛନ୍ତି ।
ଇନ୍ଦୋରର ଜଣେ ବ୍ୟକ୍ତି ମଲ୍ଟି ନ୍ୟାସନାଲ କମ୍ପାନୀରେ କାମ କରୁଥିଲେ । ମାସକୁ ଲକ୍ଷ ଲକ୍ଷ ଟଙ୍କା ରୋଜଗାର କରୁଥିଲେ । ହେଲେ କରୋନା ସମୟରେ ତାଙ୍କର ଚାକିରି ଚାଲିଯାଇଥିଲା । କରୋନା ଏବଂ ତାଲାବନ୍ଦ ହଟିବା ପରେ ସେ ଆଉ ଚାକିରି କରିବା ପାଇଁ ଇଚ୍ଛା କରି ନଥିଲେ ।
ତାଙ୍କ ଘର ନିକଟରେ ଏକ ଠେଲା ଗାଡ଼ିରେ ଚୁଡା ଉପମା ବିକ୍ରି କରିବା ଆରମ୍ଭ କରିଥିଲେ ।
ତାଙ୍କର ଚୁଡା ଉପମା ଏତେ ସ୍ୱାଦ ଥିଲା ଧୀରେ ଧୀରେ ଲୋକଙ୍କ ଗହଳି ଜମି ଥିଲା । ଏବେ ସେ ଗୋଟିଏ ଦୋକାନରୁ ୬ଟି ଦୋକାନ କଲେଣି । ଗୋଟିଏ ପ୍ଲେଟ୍କୁ ସେ ୩୦ ଟଙ୍କା ଲେଖାଏଁ ବିକ୍ରି କରୁଛନ୍ତି ।
ପ୍ରତି ଠେଲାରୁ ୩ରୁ ୬ ହଜାର ଟଙ୍କା ଲାଭ କରୁଛନ୍ତି । ଦୈନିକ ସେ ୧୮ ହଜାର, ପ୍ରତି ମାସରେ ୫ ଲକ୍ଷ ଟଙ୍କାରୁ ଅଧିକ ରୋଜଗାର କରୁଛନ୍ତି । ଏବେ ସେ କୋଟି ପତି । କରୋନାରେ ଚାକିରି ଚାଲିଯାଇଥିଲେ ମଧ୍ୟ କୌଣସି କାମକୁ ଛୋଟ ନଭାବି ସେ ଠେଲା ଲଗାଇଥିବାରୁ ଏବେ ବହୁତ ଖୁସୀ ।
