ହରଭଙ୍ଗା :ହରଭଙ୍ଗା ବ୍ଲକର ବିଭିନ୍ନ ପଂଚାୟତରେ ଦୀର୍ଘ ୧୦ବର୍ଷ ହେଲା ବ୍ୟାଙ୍କ ବ୍ୟବସାୟିକ ପ୍ରତିନିଧିମାନେ(ବିସି )ସରକାରଙ୍କ ବିଭିନ୍ନ ବ୍ୟାଙ୍କିଙ୍କ ସେବା ଯୋଗାଇ ଆସୁଛନ୍ତି। ଏପରିକି କରୋନା ମହାମାରୀ ସମୟରେ ସେମାନେ ଜୀବନକୁ ବାଜି ଲଗାଇ ସ୍ୱଳ୍ପ ପାଉଣାରେ ସରକାରଙ୍କ ବିଭିନ୍ନ ଜନହିତକର ବ୍ୟାଙ୍କ ସେବା ଯୋଗାଇ ଆସୁଛନ୍ତି। ମାତ୍ର ଏଭଳି ପରିସ୍ଥିତିରେ ବ୍ଲକପ୍ରଶାସନ ପଂଚାୟତ ମାନଙ୍କ ସହିତ ଆଲୋଚନା ନକରି ପ୍ରତି ପଂଚାୟତରେ ସିଏସପି ପ୍ଲସ ନିଯୁକ୍ତି ପାଇଁ ମସୁଧା ଚଳେଇଛନ୍ତି । ଏ ସମ୍ପର୍କରେ ସେମାନେ ଜିଲ୍ଲାପାଳଙ୍କ ଅଭିଯୋଗ ଶୁଣାଣିରେ ଜିଲ୍ଲାପାଳଙ୍କୁ ଭେଟି ନିଜର ଅସୁବିଧାକୁ ଲିଖିତଭାବେ ଜଣାଇବା ସହିତ ଯେଉଁଠି ବ୍ୟାଙ୍କ ପ୍ରତିନିଧି ଖାଲି ରହିଛି ସେହି ସ୍ଥାନରେ ସିଏସପି ପ୍ଲସ ଦେବାକୁ ଅନୁରୋଧ କରିଛନ୍ତି। ନଚେତ ଆଗାମୀ ଦିନରେ ସମସ୍ତେ ବ୍ଲକ ସମ୍ମୁଖରେ ଧାରଣା ଦେବାକୁ ରାଜକୁମାର ବାଙ୍କ, ମନୋଜ କୁମାର ଡାଙ୍ଗ, ଆଲୋକ ପ୍ରଧାନ, ଶେଖ ସାଜିତ ପ୍ରମୁଖ ଚେତାବନୀ ଦେଇଛନ୍ତି । ଏ ଦିଗରେ ଜିଲ୍ଲାପାଳ ସ୍ୱତନ୍ତ୍ର ଦୃଷ୍ଟି ଦେବାକୁ ଦାବୀ ହେଉଛି।
Comments are closed.