ନୂଆଦିଲ୍ଲୀ : ଜିଓ ନିଜ ରିଚାର୍ଜ ପ୍ଲାନ୍ରେ ଆଉ ଏକ ନୂଆ ପ୍ଲାନ୍ ଯୋଡିଛି । ଏହି ରିଚାର୍ଜ ପ୍ଲାନ୍ରେ ଉପଭୋକ୍ତାଙ୍କୁ ଦୀର୍ଘ ୧ ବର୍ଷ ପର୍ଯ୍ୟନ୍ତ ଡାଟା ମିଳି ପାରିବ । କମ୍ପାନୀ ନିକଟରେ ୬୦୧ ଟଙ୍କାର ଏକ ପ୍ଲାନ୍ ଲଞ୍ଚ କରିଛି । ଏହା ଏକ ଡାଟା ଭାଉଚର୍ । ଯାହାକୁ ସମସ୍ତ ପ୍ରିପେଡ୍ ବ୍ୟବହାରକାରୀ ବ୍ୟବହାର କରି ପାରିବେ । ଏହା ଡାଟା ଭାଉଚର୍ ହୋଇଥିବାରୁ ଏଥିରେ କଲିଙ୍ଗ୍, ଏସଏମ୍ଏସ୍ ଓ ଅନ୍ୟ ସୁବିଧା ମିଳିପାରିବ ନାହିଁ । ଏଥିରେ ଅସୀମିତ ୫ଜି ଡାଟା ମିଳିବ ।
ଆପଣ ଯେକୌଣସି ପ୍ଲାନ୍ ସହ ଏହି ରିଚାର୍ଜ ପ୍ଲାନ୍କୁ ଯୋଡି ପାରିବେ । ମାତ୍ର ଏଥିପାଇଁ ପୂର୍ବରୁ ଆପଣଙ୍କ ନିକଟରେ ସକ୍ରିୟ ପ୍ଲାନ୍ ଥିବା ଆବଶ୍ୟକ ।
ଏହି ଡାଟା ଭାଉଚର୍ରେ ଏକ ବର୍ଷ ପର୍ଯ୍ୟନ୍ତ ଅସୀମିତ ୫ଜି ଡାଟା ଅଫର୍ ମଧ୍ୟ ମିଳିବ । ମାତ୍ର ଏହି ଡାଟା ୧୨ ଭିନ୍ନ ଭିନ୍ନ ଭାଉଚର୍ ରୂପରେ ମିଳିବ ।
ବୁଧ କରିବେ ଓଲଟା ଚଳନ; ଏହି ରାଶି ହେବେ ଭାଗ୍ୟଶାଳୀ, ମିଳିବ ଧନ ହିଁ ଧନ..
ସର୍ବପ୍ରଥମେ ଆପଣଙ୍କୁ ୬୦୧ ଟଙ୍କାର ଡାଟା ଭାଉଚର୍ କିଣିବାକୁ ପଡିବ । ଏହାକୁ ଆପଣ ମାଇ ଜିଓ ଆପ୍ କିମ୍ବା ୱେବସାଇଟ୍ରୁ କିଣି ପାରିବେ ।
ଏହାପରେ ଆପଣଙ୍କୁ ୫୧ ଟଙ୍କାର ୧୨ଟି ରିଚାର୍ଜ ମିଳିବ । ଏହି ସମସ୍ତ ଭାଉଚର୍ରେ ଆପଣଙ୍କୁ ଅସୀମିତ ୫ଜି ଡାଟା ସହ ମାସକୁ ୩ ଜିବି ହାଇସ୍ପିଡ୍ ଡାଟା ମିଳିବ ।
ଦେଖନ୍ତୁ ଭିଡିଓ.. କୋବିରୁ ହଠାତ୍ ବାହାରିଲା ସାପ, ଭାଇରାଲ୍ ହେଉଛି ଛାତିଥରା ଭିଡିଓ..
ଏହି ଡାଟା ଭାଉଚର୍କୁ ଅନ୍ୟକୁ ମଧ୍ୟ ପଠାଇ ପାରିବେ ।
ଏହି ସୁବିଧା ସେମାନଙ୍କୁ ମିଳିବ, ଯେଉଁମାନେ ଦୈନିକ ୧.୫ ଜିବି କିମ୍ବା ଅଧିକ ପ୍ଲାନ୍ର ରିଚାର୍ଜ କରିଥିବେ ।
