କଲମ୍ବୋ: ଭାରତ-ପାକିସ୍ତାନ ମ୍ୟାଚରେ ପୁଣି ବର୍ଷା ବାଧକ ସାଜିଛି। ୧୧ ଓଭର ସୁଦ୍ଧା ପାକିସ୍ତାନ ୪୪/୨ ରନ ସ୍କୋର କରିଥିଲାବେଳେ ବର୍ଷା ହୋଇଥିଲା। ପ୍ରଥମେ ବ୍ୟାଟିଂ କରି ୫୦ ଓଭରରେ ଭାରତ ୩୫୬/୨ ରନର ବିଶାଳ ସ୍କୋର କରିଛି।
କଲମ୍ବୋର ପ୍ରେମଦାସା ଷ୍ଟାଡିୟମଠାରେ ଚାଲିଥିବା ଏସିଆ କପର ଭାରତ-ପାକିସ୍ତାନ ସୁପର-୪ ମ୍ୟାଚ ପୁଣି ବର୍ଷା ଯୋଗୁଁ ପ୍ରଭାବିତ ହୋଇଛି । ପାକିସ୍ତାନର ସ୍କୋର ୧୧ ଓଭରରେ ୪୪/୨ ଥିବାବେଳେ ମ୍ୟାଚ ଅଟକିଯାଇଛି । ମ୍ୟାଚ ଅଟକିବା ବେଳକୁ କ୍ରିଜରେ ମହମ୍ମଦ ରିଜୱାନ ୧ ରନ ଓ ଫକର ଜମାନ ୧୪ ରନ କରି ଖେଳୁଛନ୍ତି। ଦିନିକିଆରେ ଡିଏଲ ମେଥଡ୍ ଅନୁସାରେ ମ୍ୟାଚର ଫଳାପଳ ବାହାରିବା ପାଇଁ ଅତି କମରେ ୨୦ ଓଭର ଖେଳ ହେବା ଆବଶ୍ୟକ। ଯଦି ଖେଳ ନହୁଏ, ତେବେ ଭାରତ ଓ ପାକିସ୍ତାନ ଉଭୟ ଗୋଟିଏ ଲେଖାଏଁ ପଏଣ୍ଟ ଭାଗ କରିବେ । ଯଦି ବର୍ଷା ଛାଡ଼ିବା ପରେ ପୁଣି ଖେଳ ହୁଏ ତେବେ ଡିଏଲ ମେଥଡ୍ ଅନୁସାରେ ପାକିସ୍ତାନ ପାଇଁ ନୂଆ ଟାର୍ଗେଟ୍ ରଖାଯିବ। ବର୍ତ୍ତମାନର ସ୍ଥିତି ଅନୁସାରେ ପାକିସ୍ତାନ ଯଦି ୨୦ ଓଭରରେ ୨୦୦ ରନ କରେ ତେବେ ବିଜୟୀ ହେବ। ସେହିପରି ୨୨ ଓଭରରେ ୨୧୬ରନ, ୨୪ ଓଭରରେ ୨୩୦ ରନ କିମ୍ବା ୨୬ ଓଭରରେ ୨୪୪ ରନ କରିବାକୁ ହେବ।
Comments are closed.