ଆଠଗଡ : ଆଠଗଡ ଥାନା ଅନ୍ତର୍ଗତ ଖୁଣ୍ଟକଟା ପଞ୍ଚାୟତର ଖୁଣ୍ଟକଟା ଗ୍ରାମରେ ରବିବାର ବିଳମ୍ବିତ ରାତିରେ ୨ଜଣଙ୍କ ଘରର ଝରକା ଗ୍ରିଲ ଭାଙ୍ଗି ଦୁର୍ବୁତ୍ତ ମାନେ ସୁନା ଅଳଙ୍କାର ଓ ନଗଦ ଟଙ୍କା ଲୁଟି ନେଇଛନ୍ତି।
ସେହିପରି ଏହି ପଞ୍ଚାୟତର ରାଧାଦର୍ଶନପୁରସ୍ଥିତ ସିଦ୍ଧେଶ୍ୱର ମନ୍ଦିର ଏବଂ ମହୀଧରପୁରର ବାଉତୀ ମନ୍ଦିରରୁ ମଧ୍ୟ ରବିବାର ବିଳମ୍ବିତ ରାତିରେ ଚୋରୀ ହୋଇଥିବା ଜଣାପଡିଛି । ଖୁଣ୍ଟୁକଟା ଗ୍ରାମର ସୁରେନ୍ଦ୍ର ଖଟୁଆଙ୍କ ଝରକା ଗ୍ରିଲ ଭାଙ୍ଗି ଦୁର୍ବୁତ୍ତ ଘରେ ପଶି ସୁନା ମଙ୍ଗଳସୁତ୍ର, ଏକ ହଳ କାନଫୁଲ, ୬ଟି ମୁଦି ସହିତ ୭୦ହଜାର ଟଙ୍କା ଲୁଟି ନେଇଥିବା ଆଠଗଡ ଥାନାରେ ସୁରେନ୍ଦ୍ର ଅଭିଯୋଗ କରିଛନ୍ତି । ସେହିପରି ପ୍ରଦୀପ କୁମାର ରାଉତଙ୍କ ଘରୁୁ ନଗଦ ୨ଲକ୍ଷ ଟଙ୍କା, ୫୦ଗ୍ରାମର ସୁନା ଓ ରୂପା ଅଳଙ୍କାର, ଚୋରୀ ହୋଇଥିବା ନେଇ ଥାନାରେ ଅଭିଯୋଗ ହୋଇଛି । ଏତଦ୍ବ୍ୟତୀତ ୨ଟି ଯାକ ମନ୍ଦିରରୁ ଠାକୁରଙ୍କର ସମସ୍ତ ପିତ୍ତଳ ବାସନକୁସନ ଓ ଘଣ୍ଟଘଣ୍ଟା ଆଦି ଚୋରି ହୋଇଥିବା ଗ୍ରାମବାସୀଙ୍କ ପକ୍ଷରୁ ଥାନାରେ ଅଭିଯୋଗ ହୋଇଛି। ଅଭିଯୋଗ ପାଇବା ପରେ ଆଇଆଇସି ଅନିରୁଦ୍ଧ ମୁଦୁଲିଙ୍କ ନେତୃତ୍ୱରେ ପୁଲିସ ଦଳ ଘଟଣାସ୍ଥଳରେ ପହଞ୍ଚି ତଦନ୍ତ ଚଳାଇଥିବା ଜଣାପଡିଛି।
Comments are closed.