ନୂଆଦିଲ୍ଲୀ : ସାଧାରଣତଃ ଲୋକେ ଯାତ୍ରା କରିବା ସମୟରେ ଗନ୍ତବ୍ୟସ୍ଥଳରେ ପହଞ୍ଚିବା ପାଇଁ ଗୁଗଲ୍ ମ୍ୟାପ୍ର ସାହାଯ୍ୟ ନେଇଥାଆନ୍ତି । ତେବେ ଏହା ମଧ୍ୟ ଶୁଣିଥିବେ, ଗୁଗଲ୍ ମ୍ୟାପ୍ କିମ୍ବା ଜିପିଏସ୍ ଭୁଲ୍ ରାସ୍ତା ଦେଖାଇଥାଏ । ମାତ୍ର ନିକଟରେ ଗୁଗଲ୍ ମ୍ୟାପ୍ କାରଣରୁ ଏକ ଅଘଟଣ ଘଟିଥିବା ଘଟଣା ଏବେ ସାମ୍ନାକୁ ଆସିଛି । ଉତ୍ତରପ୍ରଦେଶର ବରେଲିର ଫରୀଦପୁର ଥାନା ଅନ୍ତର୍ଗତ ଖଲପୁର ଗାଁ ନିକଟରେ ଗୁଗଲ୍ ମ୍ୟାପ୍ ଭୁଲ୍ ରାସ୍ତା ଦେଖାଇବାରୁ ୩ ଜଣଙ୍କ ଜୀବନ ଚାଲି ଯାଇଛି । କାରରେ ଥିବା ଯାତ୍ରୀ ଗୁଗଲ୍ ମ୍ୟାପ୍ ଦେଖି ଯାଉଥିଲେ । ସେହି ସମୟରେ କାର୍ଟି ରାମଗଙ୍ଗା ନଦୀକୁ ଖସି ପଡିଥିଲା । ଏହି କାରଣରୁ ଭଣଜା ବିବାହରେ ଯୋଗ ଦେବାକୁ ଯାଉଥିବା ଦୁଇ ଭାଇଙ୍କ ସହ ଅନ୍ୟ ଜଣଙ୍କର ଘଟଣାସ୍ଥଳରେ ହିଁ ମୃତ୍ୟୁ ହୋଇଛି ।
ଖଲପୁର ଗାଁ ନିକଟରେ ରାମଗଙ୍ଗା ନଦୀରେ ଏକ ପୋଲ କାମ ନିର୍ମାଣାଧୀନ ଅବସ୍ଥାରେ ଥିଲା । ଗୁଗଲ୍ ମ୍ୟାପ୍ ଯୋଗୁଁ ଏହି ପୋଲରେ ଦ୍ରୁତ ଗତିରେ କାର୍ଟି ଯାଇ ନଦୀ ଭିତରକୁ ଖସି ପଡିଥିଲା । ଖବର ପାଇ ପୁଲିସ ୩ ଜଣଙ୍କ ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇବା ସହ ଘଟଣାର ତଦନ୍ତ ଜାରି ରଖିଛି । ମୃତକଙ୍କ ପରିବାର ପିଡବ୍ଲ୍ୟୁଡି ଓ ପ୍ରଶାସନକୁ ଏହି ଦୁର୍ଘଟଣା ପାଇଁ ଦାୟୀ କରିଛନ୍ତି ।
ଦେଖନ୍ତୁ ଭିଡିଓ; ଚଳନ୍ତା ଟ୍ରେନ୍ରେ ଯାତ୍ରୀଙ୍କର ହେଲା ହୃଦଘାତ, ଦେବଦୂତ ସାଜିଲେ ଟିଟିଇ, ଏମିତି ବଞ୍ଚାଇଲେ ଜୀବନ..
ମିଳିଥିବା ସୂଚନାନୁଯାୟୀ, ରବିବାର ଗୁରୁଗ୍ରାମରୁ ଫରୀଦପୁର ଆସି ୩ ଜଣ କାର୍ରେ ଯାତ୍ରା କରୁଥିବା ସମୟରେ ଗୁଗଲ ମ୍ୟାପ୍ର ସାହାଯ୍ୟ ନେଇଥିଲେ । ମାତ୍ର ପୋଲ ନିର୍ମାଣାଧୀନ ଅବସ୍ଥାରେ ଥିବା ନେଇ ମ୍ୟାପ୍ରେ କୌଣସି ସୂଚନା ନଥିଲା । ଭଣଜା ବିବାହରେ ଯୋଗ ଦେବାକୁ ଯାଉଥିବା ୨ ସମ୍ପର୍କୀୟ ଭାଇ ସହ ଅନ୍ୟ ଜଣେ ସାଙ୍ଗ ଯାଉଥିଲେ । ବଦାୟୁ ଓ ବରେଲି ଜିଲାର ସୀମାରେ ରାମଗଙ୍ଗା ନଦୀ ଉପରେ ତିଆରି ହେଉଥିବା ପୋଲ ଉପରକୁ ପଳାଇଥିଲେ । ପୋଲ ଅଧା ତିଆରି ହୋଇଥିବାରୁ ଦ୍ରୁତ ଗତିରେ ଥିବା କାର୍ ନଦୀକୁ ଖସି ପଡିଥିଲା । ପୋଲଟି ପାୟ ନଦୀରୁ ୫୦ ଫୁଟ୍ ଉଚ୍ଚରେ ଥିଲା । ଏହି ଦୁଃଖଦ ଘଟଣାର ଖବର ପାଇ ପରିବାର ଓ ଅଞ୍ଚଳରେ ଶୋକର ଛାୟା ଖେଳିଯାଇଛି। ପୁଲିସ ଘଟଣାର ତଦନ୍ତ ଜାରି ରଖିଛି ।
୨୭ ନଭେମ୍ବରରେ ସୂର୍ଯ୍ୟ-ମଙ୍ଗଳଙ୍କ ଅତ୍ୟନ୍ତ ଶୁଭ ଯୋଗ; ଏହି ୫ ରାଶି ହେବେ ଭାଗ୍ୟଶାଳୀ, ମାଲାମାଲ୍..
