କେନ୍ଦୁଝରଗଡ଼: ଜଣେ ୬ବର୍ଷର ନାବାଳିକାକୁ ଅସଦାଚରଣ କରିବା ମାମଲାରେ ଦୋଷୀକୁ ୫ ବର୍ଷ ଜେଲ୍ ଦଣ୍ଡାଦେଶ ଶୁଣାଇଛନ୍ତି ଅତିରିକ୍ତ ଜିଲାଜଜ୍ ତଥା ସ୍ପେଶାଲ ଜଜ୍ ପକ୍ସୋ କେନ୍ଦୁଝର। ଅଭିଯୁକ୍ତ ବ୍ରଜ କିଶୋର ସୁଆର(୫୨)କୁ ଦୋଷୀ ସାବ୍ୟସ୍ତ କରି ୫ବର୍ଷ ଜେଲ ଦଣ୍ଡାଦେଶ ଶୁଣାଇଛନ୍ତି ଅଦାଲତ। ନନ୍ଦିପଦା ଥାନା ଇଞ୍ଚୋଳ ଗ୍ରାମର ବ୍ରଜ କିଶୋର ସୁଆର ୨୦୨୨ ମସିହା ଏପ୍ରିଲ ୧୨ ତାରିଖ ରାତି ପ୍ରାୟ ସାଢ଼େ ୮ଟାରେ ଜଣେ ୬ବର୍ଷର ନାବାଳିକାକୁ ନିଜ ଘରକୁ ନେଇ କବାଟ ବନ୍ଦ କରି ଅସଦାଚରଣ କରିଥିବା ନେଇ ସମ୍ପୃକ୍ତ ନାବାଳିକାଙ୍କ ଜେଜେବାପା ଥାନାରେ ଅଭିଯୋଗ କରିଥିଲେ। ଅଭିଯୋଗ ପାଇ ପୁଲିସ ଅଭିଯୁକ୍ତ ବ୍ରଜ କିଶୋରକୁ ଗିରଫ କରି କୋର୍ଟ ଚାଲାଣ କରିଥିଲା। ଏହି ମାମଲାରେ ମୋଟ ୧୪ଜଣ ସାକ୍ଷୀଙ୍କ ବୟାନକୁ ଭିତ୍ତିକରି ଅତିରିକ୍ତ ଜିଲାଜଜ୍ ତଥା ସ୍ପେଶାଲ ଜଜ୍ ପକ୍ସୋ କେନ୍ଦୁଝର ମୋନାଲିସା ମହାନ୍ତି ଅଭିଯୁକ୍ତ ବ୍ରଜକିଶୋରକୁ ଦୋଷୀ ସାବ୍ୟସ୍ତ କରି ୫ବର୍ଷ ସଶ୍ରମ କାରାଦଣ୍ଡ ସହ ୮ହଜାର ଟଙ୍କା ଜୋରିମାନା ଏବଂ ଜୋରିମାନା ଅନାଦେୟ ଅଧିକ ୯ମାସ ସଶ୍ରମ କାରାଦଣ୍ଡ ଭୋଗିବାକୁ ସୋମବାର ଚୂଡାନ୍ତ ଶୁଣାଣି କରିଛନ୍ତି। ଏଥିସହ ପୀଡିତାଙ୍କୁ ୪ଲକ୍ଷ ଟଙ୍କା ଅନୁକମ୍ପାମୂଳକ ସହାୟତା ରାଶି ପ୍ରଦାନ ନିମନ୍ତେ ମଧ୍ୟ ତାଙ୍କ ରାୟରେ ଉଲ୍ଲେଖ କରିଛନ୍ତି। ପୀଡିତାଙ୍କ ପକ୍ଷରୁ ସ୍ପେଶାଲ ପି.ପି.(ପକ୍ସୋ) ଗଣେଶ ପ୍ରସାଦ ମହାପାତ୍ର ମକଦ୍ଦମା ପରିଚାଳନା କରୁଥିଲେ।
Comments are closed.