ରେଙ୍ଗାଲିକ୍ୟାମ୍ପ : ଅତାବିରା ଗୋଷ୍ଠୀ ଶିକ୍ଷା କେନ୍ଦ୍ରରୁ ସ୍ମାର୍ଟ ଟିଭି ଚୋରି ଘଟଣା ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ ହୋଇଛି। ଘଟଣା ସୂତ୍ରରୁ ଜଣା ପଡ଼ିଛି ଯେ ପ୍ରତିଦିନ ଭଳି ଗୁରୁବାର ସକାଳ ୯ ଟା ରେ ଚତୁର୍ଥ ଶ୍ରେଣୀ କର୍ମଚାରୀ ଝସକେତନ୍ ବିଶ୍ଵାଳ ଗେଟ ଖୋଲିବା ପାଇଁ ଯିବା ବେଳକୁ ଦେଖିଲେ ବାହାରେ ତାଲାଟିଏ ପଡ଼ିଥିଲା ଓ ମୁଖ୍ୟ ସଟର ବିଶିଷ୍ଟ ଗେଟ ବନ୍ଦ ଥାଇ ଭଙ୍ଗା ତାଲାଟି ଲଟକିଥିଲା। ଏହା ଦେଖି ସେ ଗୋଷ୍ଠୀ ଶିକ୍ଷା ଅଧିକାରୀ ମିଶ୍ରାଣୀ କୁମ୍ଭାର ତଥା ଅତିରିକ୍ତ ଶିକ୍ଷା ଅଧିକାରୀ କାର୍ତ୍ତିକ ବାଗଙ୍କୁ ଫୋନ କରି ଜଣାଇଥିଲେ। ଖବର ପାଇ ଅଧିକାରୀ ମାନେ ପହଞ୍ଚିବା ପରେ ଅଫିସ ତାଲା ମଧ୍ୟ ଭଙ୍ଗାଯାଇଥିବା ଓ ସେଠାରେ ଥିବା ୩୨ ଇଞ୍ଚର ଏକ ନୂଆଁ ସ୍ମାର୍ଟ ଟିଭି ଚୋରି ହୋଇଥିଲା, ଯାହା ସରକାରଙ୍କ ପକ୍ଷରୁ ଆସିଥିଲା ବିଦ୍ୟାଳୟକୁ ଦେବା ପାଇଁ। ଆସିଥିବା ୨୧ଟି ଟିଭି ସବୁ ବିଦ୍ୟାଳୟ ଗୁଡ଼ିକୁ ଦିଆ ସରିଥିବା ବେଳେ ଏହି ଗୋଟିଏ ଖାଲି ରହିଥିଲା, ଯାହା ଚୋରଙ୍କ ନଜରରେ ପଡି ଯାଇଥିଲା। ରାତ୍ରି ଜଗୁଆଳି ନଥିବା ଯୋଗୁଁ ଏମିତି ଘଟଣା ଘଟୁଛି ବୋଲି ଶିକ୍ଷାଧିକାରୀ ପ୍ରକାଶ କରିଛନ୍ତି । ଏହି ଘଟଣାକୁ କେନ୍ଦ୍ର କରି ଅତାବିରା ଥାନାରେ ଗୋଷ୍ଠୀ ଶିକ୍ଷା ଅଧିକାରୀ ଏକ ଲିଖିତ ଅଭିଯୋଗ କରିଥିଲେ। ଥାନା ଅଧିକାରୀ ସୁକୁମାର ତ୍ରିପାଠୀଙ୍କ ନିର୍ଦ୍ଦେଶ କ୍ରମେ ଏକ ପୁଲିସ ଦଳ ଗୋଷ୍ଠୀ ଶିକ୍ଷା କାର୍ଯ୍ୟାଳୟରେ ପହଞ୍ଚି ସମସ୍ତ ଘଟଣା ସଂପର୍କରେ ପଚାରି ବୁଝି ତଦନ୍ତ ଆରମ୍ଭ କରିଥିବା ଜଣା ପଡ଼ିଛି।
Popular Categories
Previous article
Next article