ବାଲେଶ୍ବର : ଗତକାଲି ବିଳମ୍ବିତ ରାତିରେ ବାଲେଶ୍ୱର ଜିଲା ସିଂଲା ଥାନା ଅଞ୍ଚଳରେ ଘଟିଛି ଏକ ଅଘଟଣ। ସୂଚନା ଅନୁସାରେ, ରାତି ଅଧରେ ୫ ଦୁର୍ବୃତ୍ତ ଜଣେ ଯୁବକଙ୍କୁ ଧମକାଇ ତାଙ୍କ ନିକଟରୁ ସବୁ ଜିନିଷ ଲୁଟ୍ କରିବାକୁ ଉଦ୍ୟମ କରୁଥିବା ବେଳେ ତାଙ୍କ ଚିତ୍କାର ଶୁଣି ସ୍ଥାନୀୟ ଲୋକେ ପହଞ୍ଚି ଯାଇଥିଲେ। ଫଳରେ ୪ ଜଣ ଫେରାର ହୋଇ ଯାଇଥିବା ବେଳେ ଜଣଙ୍କୁ କାବୁ କରି ନିର୍ଧୂମ ଛେଚି ପୁଲିସ୍ ଜିମା ଦେଇଛନ୍ତି ସ୍ଥାନୀୟ ଲୋକେ। ବାହାଦଲପୁର ଗ୍ରାମର ଅଜିତ ନାୟକ ଗତକାଲି ବିଳମ୍ବିତ ରାତିରେ ଲଙ୍ଗଳେଶ୍ୱରରୁ ବାଇକରେ ଘରକୁ ଫେରୁଥିଲେ। ବାହାଦଲପୁର ଛକ ନିକଟରେ ହଠାତ ୫ ଜଣ ଚୋର ତାଙ୍କୁ ଅଟକାଇ ଅତର୍କିତ ଭାବରେ ଆକ୍ରମଣ କରିଥିଲେ। ତାଙ୍କର ସୁନା ଚେନ୍ ଏବଂ ପର୍ସ ଛଡାଇବାକୁ ଉଦ୍ୟମ କରିଥିବାବେଳେ ଅଜିତ୍ଙ୍କ ଚିତ୍କାର ଶୁଣି ଦୁର୍ବୃତ୍ତମାନେ ଦୌଡ଼ି ପଳାଇଥିଲେ। ଏବେ ସୁଦ୍ଧା ୪ ଜଣ ଫେରାର ଥିବାବେଳେ ଜଣେ ହିଁ ଧରାପଡ଼ି ସ୍ଥାନୀୟ ଲୋକଙ୍କ ଠାରୁ ମାଡ଼ ଖାଇଛନ୍ତି।
Comments are closed.