ଇସଲାମାବାଦ – ଭାରତରୁ ଟ୍ରାଭେଲ୍ ଭିସା ନେଇ ପାକିସ୍ତାନ ପଳାଇଥିବା ଅଞ୍ଜୁଙ୍କର ସ୍ୱର ବଦଳିଛି । ବିବାହିତ ତଥା ଦୁଇଟି ସନ୍ତାନଙ୍କ ଜନନୀ ଅଞ୍ଜୁ ପାକିସ୍ତାନକୁ ନିଜ ପୁରୁଷ ବନ୍ଧୁ ନସରୁହ୍ଲା ନିକଟକୁ ପଳାଇଥିଲେ, ସେ ଫେସ୍ବୁକ୍ରେ ନସରୁଲ୍ଲାଙ୍କ ସହ ସମ୍ପର୍କ କରିଥିଲେ । ସେଠାରେ ତାଙ୍କର ବିବାହ ହୋଇଥିବା ବିଭିନ୍ନ ପାକିସ୍ତାନୀ ଗଣମାଧ୍ୟମରେ ପ୍ରଚାରିତ ହୋଇଥିଲା । ସେ ନସରୁହ୍ଲାଙ୍କ ସହ ବିଭିନ୍ନ ସ୍ଥାନ ଏକାଠି ବୁଲିବା ସହ ରିଲ୍ସ ତିଆରି କରିଥିଲେ । ସେଠାରେ ସେ ବେଶ୍ ଖୁସୀ ଥିବା କଥା କହିଥିଲେ ।
ହେଲେ ଏବେ ଅଞ୍ଜୁଙ୍କର ସ୍ୱର ବଦଳିଛି । ବିବିସିକୁ ଦେଇଥିବା ସାକ୍ଷାତକାରରେ ପାକିସ୍ତାନରେ ସବୁକିଛି ଠାକ୍ ଠାକ୍ ଥିଲେ ବି ପିଲାଙ୍କ କଥା ମନେ ପଡୁଥିବା କଥା କହିଛନ୍ତି । ଭାରତ ଫେରି ଆସିବା ପାଇଁ ସେ କହିଛନ୍ତି । ତାଙ୍କ ଏବଂ ତାଙ୍କ ପରିବାକୁ ଏଥିପାଇଁ ଅନେକ ସମସ୍ୟାର ସାମ୍ନା କରିବାକୁ ପଡିଛି ବୋଲ ଅଞ୍ଜୁ କହିଛନ୍ତି ।
ସେ ଗଣମାଧ୍ୟମର ସମସ୍ତ ପ୍ରଶ୍ନର ଉତ୍ତର ରଖିଛନ୍ତି , ଏବଂ ଏଠାକୁ ଫେରିବା ପରେ ସମସ୍ତ ଉତ୍ତର ଦେବେ ବୋଲି କହିଛନ୍ତି । ପାକିସ୍ତାନ ଯିବା ଏହା ତାଙ୍କର ନିଜସ୍ୱ ଇଚ୍ଛା ବୋଲି କହିଛନ୍ତି ।
ତେବେ ପାକିସ୍ତାନରେ ତାଙ୍କ ଭିସା ଅସା ଅବଧି ବୃଦ୍ଧି କରାଯାଇ ନାହିଁ । ତାଙ୍କ ପୁରୁଷବନ୍ଧୁ ନସରୁଲ୍ଲା ଏଥିପାଇଁ ଆବେଦନ କରିଥିବା କଥା କହିଛନ୍ତି । ହେଲେ ଅଞ୍ଜୁ ପାକିସ୍ତାନର ବାସ୍ତାବତା ସହ ଏବେ ପରିଚିତ ହେବା କଥା ଅନେକ କହିଛନ୍ତି । ଏବେ ସେ କେଉଁ ଭୁଲ୍ କରିଛନ୍ତି ତାହା ସେ ନିଜେ ଜାଣିପାରିଛନ୍ତି ବୋଲି ତାଙ୍କ ପରିବାର ଲୋକ କହିଛନ୍ତି । ଅଞ୍ଜୁଙ୍କ ପିତା ଆଉ କେବେ ବି ତାଙ୍କୁ ନିଜର କରିବେ ନାହିଁ ବୋଲି କହିଛନ୍ତି ।
