ସମ୍ବଲପୁର: ସମ୍ବଲପୁର ଜିଲା ଧନକଉଡା ବ୍ଲକ ଅର୍ନ୍ତଗତ ବ୍ରୃକ୍ସହିଲ ଉଚ୍ଚ ପ୍ରାଥମିକ ବିଦ୍ୟାଳୟ ଠାରେ ମୌଳିକ ସାକ୍ଷରତା ଓ ସଂଖ୍ୟାଜ୍ଞାନ ମଡେଲ ଶ୍ରେଣୀ କକ୍ଷ ଉଦଘାଟିତ ହୋଇଯାଇଛି। ମଙ୍ଗଳବାର ଜିଲା ଶିକ୍ଷା ଅଧିକାରୀ ମୀନାରାଣୀ ମଙ୍ଗଳଙ୍କ ଦ୍ୱାରା ଏହାର ଉଦଘାଟନ କରାଯାଇଛି। ଏହି ଅବସରରେ ଅତିଥି ରୂପେ ଜିଲା ଶିକ୍ଷା ପ୍ରଶିକ୍ଷଣ ପ୍ରତିଷ୍ଠାନର ଅଧ୍ୟକ୍ଷ ରବି ନାରାୟଣ ବଘାର, ଅତିରିକ୍ତ ଜିଲା ଶିକ୍ଷାଧିକାରୀ ଜୟଶ୍ରୀ ଦୋରା, ଗୋଷ୍ଠୀ ଶିକ୍ଷା ଅଧିକାରୀ ଡ. ସୁରେନ୍ଦ୍ର ସାହୁ, ବିଆରସିସି ରମେଶ ମିଶ୍ର, ଶିକ୍ଷକ ପ୍ରଶିକ୍ଷକ ଆଜାଦ ଶେଖର ପ୍ରଧାନ ଓ ମଧୁମିତା ଦାସ ଉପସ୍ଥିତ ରହିଥିଲେ। ନିପୁଣ ଭାରତ ଆଧାରରେ ଆୟୋଜିତ ଏହି କାର୍ଯ୍ୟକ୍ରମରେ ଛାତ୍ରଛାତ୍ରୀ ମାନଙ୍କର ଶିକ୍ଷଣ ଅଭିବୃଦ୍ଧିରେ କିଭଳି ସହାୟକ ହେବ ତାହା ଆଲୋକପାତ କରାଯାଇଥିଲା। ପ୍ରଥମ, ଦ୍ୱିତୀୟ ଓ ତୃତୀୟ ଶ୍ରେଣୀର ଛାତ୍ରଛାତ୍ରୀ ମାନଙ୍କୁ ନେଇ ଶିକ୍ଷଣ କାର୍ଯ୍ୟକଳାପ ପ୍ରଦର୍ଶିତ କରାଯାଇଥିଲା। କାର୍ଯ୍ୟକ୍ରମକୁ ଆୟୋଜନ ଓ ପରିଚାଳନାରେ ପ୍ରଧାନ ଶିକ୍ଷୟତ୍ରୀ କୁନ୍ତୀରାଣୀ କଚ୍ଛପ, ସିଆରସିସି ବେଞ୍ଜୁରାଣୀ ବେହେରା ଓ ଶିକ୍ଷକ ଶିକ୍ଷୟତ୍ରୀ ସହାୟତା କରିଥିବା ବେଳେ ବୀରେଶ୍ୱର କର କାର୍ଯ୍ୟକ୍ରମକୁ ପରିଚାଳନା କରିଥିଲେ।
Popular Categories
Previous article
Next article