ବୌଦ୍ଧ: ଜିଲା ଶ୍ରମ ବିଭାଗ ପକ୍ଷରୁ ନିର୍ମାଣ ଶ୍ରମିକ କଲ୍ୟାଣ ଯୋଜନା ସହାୟତା ବଣ୍ଟନ ଶିବିର ଅନୁଷ୍ଠିତ ହୋଇଯାଇଛି। ବୌଦ୍ଧ ଟାଉନହଲଠାରେ ଅନୁଷ୍ଠିତ ଏହି ସହାୟତା ବଣ୍ଟନ ଶିବିରରେ ମୁଖ୍ୟଅତିଥି ଭାବରେ ପଞ୍ଚାୟତିରାଜ ଓ ପାନୀୟଜଳ, ଜଙ୍ଗଲ ପରିବେଶ ଓ ଜଳବାୟୁ ପରିବର୍ତନ ଏବଂ ସୂଚନା ଓ ଲୋକସଂପର୍କ ମନ୍ତ୍ରୀ ପ୍ରଦିପ କୁମାର ଅମାତ ଯୋଗଦେଇ ରାଜ୍ୟ ସରକାର ନିର୍ମାଣ ଶ୍ରମିକମାନଙ୍କୁ ସହାୟତା ପାଇଁ ଅନେକ ଯୋଜନା କାର୍ଯ୍ୟକାରି କରିଛନ୍ତି ବୋଲି ପ୍ରକାଶ କରିଥିଲେ। ଜିଲାରେ ରାଜ୍ୟ ସରକାରଙ୍କ ପକ୍ଷରୁ ୨୦୨୨-୨୩ ରେ ନିର୍ମାଣ ଶ୍ରମିକମାନଙ୍କୁ ଶିକ୍ଷା ସହାୟତା ବାବଦକୁ ୬୮୪୦୦ ଟଙ୍କା ପ୍ରଦାନ କରାଯାଇଥିବା ବେଳେ ୭୮୮ ଜଣଙ୍କୁ ବିବାହ ସହାୟତା ବାବଦକୁ ୩ କୋଟି ୯୨ ଲକ୍ଷ ଟଙ୍କା, ୩ ଜଣ ପ୍ରସୂତୀ ମହିଳାଙ୍କୁ ୩୦ ହଜାର ଟଙ୍କା, ୨୨ ଜଣ ନିର୍ମାଣ ଶ୍ରମିକ ପରିବାରକୁ ମୃତ୍ୟୁକାଳୀନ ସହାୟତା ୪୩ ଲକ୍ଷ ଟଙ୍କା ଓ ୧୩ ଟି ପରିବାରକୁ ଅନ୍ତ୍ୟେଷ୍ଟିକ୍ରିୟା ପାଇଁ ୬୫ ହଜାର ଟଙ୍କା ଏହିପରି ସର୍ବମୋଟ ୮୩୭ ଜଣ ନିର୍ମାଣ ଶ୍ରମିକଙ୍କୁ ୪ କୋଟି ୩୬ ଲକ୍ଷ ୬୩ ହଜାର ୪୦୦ ଟଙ୍କାର ସହାୟତା ପ୍ରଦାନ କରାଯାଇଛି।
Popular Categories
Previous article
Next article