ମୁମ୍ବାଇ: କଙ୍ଗନା ରାଣାୱତ ତାଙ୍କ ଆଗାମୀ ଚଳଚ୍ଚିତ୍ର ‘ଚନ୍ଦ୍ରମୁଖୀ ୨’ର ମୁକ୍ତିଲାଭ ତାରିଖ ଘୋଷଣା କରିଛନ୍ତି। ଇନ୍ଷ୍ଟାଗ୍ରାମରେ ରିଲିଜ୍ ତାରିଖ ଘୋଷଣା କରିବା ସହ ରାଘବ ଲରେନ୍ସଙ୍କ ପ୍ରଥମ ଲୁକ୍ ପୋଷ୍ଟର ଶେୟାର କରିଛନ୍ତି କଙ୍ଗନା। ପୋଷ୍ଟରରେ ରାଘବଙ୍କ ଲୁକ୍ ପ୍ରଶଂସକଙ୍କ ଉତ୍ସାହକୁ ଦୁଇ ଗୁଣିତ କରିଦେଇଛି। ‘ଚନ୍ଦ୍ରମୁଖୀ ୨’ ସେପ୍ଟମ୍ବର ୧୯ ଗଣେଶ ପୂଜା ଅବସରରେ ମୁକ୍ତିଲାଭ କରିବ।
ରାଘବ ମଧ୍ୟ ଚଳଚ୍ଚିତ୍ର ମୁକ୍ତିଲାଭ ସମ୍ପର୍କରେ ସୂଚନା ଦେଇଛନ୍ତି। ଗଣେଶ ଚତୁର୍ଥୀ ଦିନ ଏହାର କବାଟ ଖୋଲିଯିବ ବୋଲି ସେ ଲେଖିଛନ୍ତି। ତାମିଲ, ତେଲୁଗୁ, ହିନ୍ଦୀ, ମାଲାୟଲମ ଓ କନ୍ନଡ଼ ଭାଷାରେ ରିଲିଜ ହେବ ‘ଚନ୍ଦ୍ରମୁଖୀ ୨’। ଫିଲ୍ମରେ କଙ୍ଗନାଙ୍କ ସହ ତାମିଲ ଅଭିନେତା ରାଘବ ଲରେନ୍ସ ମୁଖ୍ୟ ଭୂମିକାରେ ଅଭିନୟ କରିଛନ୍ତି। ପି ବାସୁଙ୍କ ଦ୍ବାରା ନିର୍ଦେଶିତ ‘ଚନ୍ଦ୍ରମୁଖୀ ୨’ ତାମିଲ ହରର କମେଡ଼ି ଫିଲ୍ମ ‘ଚନ୍ଦ୍ରମୁଖୀ’ର ଦ୍ବିତୀୟ ଭାଗ।
