ଢେଙ୍କାନାଳ ସଦର:ଢେଙ୍କାନାଳ ସଦର ଥାନା ଅନ୍ତର୍ଗତ ଭାପୁର ମହୁଲପୁଞ୍ଜି ରାସ୍ତାରେ ଭାରସ୍ୟାମ ହରାଇ ଗଛରେ ଏକ ଇଣ୍ଡିଗୋ କାର ପିଟି ହୋଇଯିବାରୁ ଘଟଣା ସ୍ଥଳରେ ୨ ଜଣଙ୍କର ମୃତ୍ୟୁ ହୋଇଛି ଏବଂ ୩ଜଣ ଗୁରୁତର ଆହତ ହୋଇଛନ୍ତି। କାର ଭିତରେ ୫ ଜଣ ଥିବା ବେଳେ ଘଟଣାସ୍ଥଳରେ ହିଁ୨ ଜଣ ଙ୍କର ମୃତ୍ୟୁ ହୋଇ ଥିଲା। ଅନ୍ୟ ୩ ଜଣଙ୍କୁ ଗୁରୁତର ଅବସ୍ଥାରେ ଉଦ୍ଧାର ପରେ ଢେଙ୍କାନାଳ ମୁଖ୍ୟ ଚିକିତ୍ସାଳୟରେ ଚିକିତ୍ସା ପାଇଁ ଭର୍ତ୍ତି କରାଯାଇଥିବା ସୂଚନା ମିଳିଛି।
ପ୍ରକାଶ ଯେ ଖୋର୍ଦ୍ଧା ଅଞ୍ଚଳରୁ ଭୋଜି କରିବାକୁ ୫ ଜଣ ସାଙ୍ଗ ଆସି ଥିବା ବେଳେ ଏଭଳି ଦୁର୍ଘଟଣା ଘଟିଛି। ମୃତକ ଦୁଇ ଜଣ ହେଲେ ଖୋର୍ଦ୍ଧା ଅଞ୍ଚଳର ବୈଦେଶ୍ବର ଗ୍ରାମର ଭାସ୍କର ସାହୁ ଓ ନୟାଗଡ଼ ଜିଲା ଜାମୁସାହି ଗ୍ରାମର ସୋମନାଥ ସାହୁ ୫୦ ବର୍ଷ ବୋଲି ଜଣାପଡିଛି। ଆହତ ୩ ଜଣ ହେଲେ ଖୋର୍ଦ୍ଧା ବୈଦେଶ୍ବର ଗ୍ରାମର ଶ୍ରୀକାନ୍ତ ବେହେରା, ଶ୍ରୀକାନ୍ତ ମାନସିଂହ ଓ ଦୁଖିଶ୍ୟାମ ସାହୁ ବୋଲି ଜଣାପଡ଼ିଛି । ୨ଟି ଗାଡିର ପ୍ରାୟ ୯ ଜଣ ଭୋଜି କରିବାକୁ ଆସିଥିଲେ । ଭାପୁର ବଜାରକୁ ୫ ଜଣ ବସି ଗୋଟିଏ ଗାଡିରେ ଯାଉ ଥିବା ବେଳେ ଭାରସ୍ୟାମ ହରାଇ ଗାଡ଼ି ଗଛରେ ପିଟି ହୋଇ ଥିଲା। ଘଟଣା ସ୍ଥଳରେ ଅଗ୍ନି ଶ୍ରମ କର୍ମଚରୀ ଓ ସ୍ଥାନୀୟ ଭାପୁର ଫାଣ୍ଡି ଅଧିକାରୀ ପହଞ୍ଚି ଉଦ୍ଧାର କରିଥିଲେ।
Comments are closed.